გიორგი გოგატიშვილი

დაბადების ადგილი: ქ. რუსთავი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1975 წელს.

ინსტიტუტის დამთავრების შემდეგ მუშაობა დაიწყო ქ. თბილისის ზონალურ სამეცნიერო-კვლევით, ტიპური და ექსპერიმენტული პროექტირების ინსტიტუტში ინჟინრის თანამდებობაზე; 1976 წელს გაიწვიეს საბჭოთა არმიის რიგებში, სავალდებულო სამხედრო სამსახურში, სადაც ოფიცრის რანგში ხელმძღვანელობდა სარაკეტო სასტარტო მოედნების სარეკონსტრუქციო სამუშაოების წარმოებას, ორენბურგის ოლქში (რუსეთის ფედერაცია); სამხედრო სამსახურის დამთავრების შემდეგ დაბრუნდა ქ. რუსთავში და მუშაობა დაიწყო საქართველოს მშენებლობის სამინისტროს №1 სამშენებლო ტრესტ "ამიერკავკასმეტალურგმშენი"-ს საწარმოო განყოფილების უფროსის მოადგილედ; იყო მეტალურგიული ქარხნის ბრძმედის რეკონსტრუქციის შტაბის უფროსი; 1979 წლიდან სამუშაოდ გადადის საქართველოს მშენებლობის სამინისტროს №8 სამშენებლო ტრესტის ქ. ზესტაფონის სამშენებლო სამმართველოს მთავარ ინჟინრად და მუშაობს ქ. ზესტაფონის ფეროშენადნობთა ქარხნის რეკონსტრუქციაზე; 1982 წელს დაინიშნა ქ. ზესტაფონის ფეროშენადნობთა ქარხნის კაპიტალური მშენებლობის განყოფილების უფროსად; 1986 წელს კვლავ ბრუნდება ქ. რუსთავში და მუშაობას იწყებს რუსთავის მეტალურგიული კომბინატის კაპიტალური მშენებლობის სამმართველოს მთავარ ინჟინრად, სადაც მუშაობდა 1993 წლამდე; 1993 წელს დაინიშნა სპეცსამონტაჟო სამმართველო "თბილენერგომონტაჟი"-ს მთავარ ინჟინრად; ხელმძღვანელობდა "თბილსრესი"-ს მე-9 და მე-10 ენერგობლოკების სამონტაჟო სამუშაოების შესრულებას; 1996-2004წწ. იყო შპს "აბ"-ს დირექტორი; 2004-2018წწ. შპს "ალავერდი"-ს დირექტორი, რომელიც ეწევა ტექნიკური ზეთების რეგენერაციას; 2019 წლიდან მუშაობს სამშენებლო ფირმა "ბერულას" დირექტორად; უშუალო მონაწილეობდა და ხელმძღვანელობდა ისეთი მნიშვნელოვანი სამრეწველო ობიექტების მშენებლობას, როგორიც იყო: რუსთავის მეტალურგიული კომბინატის კოქსოქიმიის, საგლინავიდა მილსაგლინავი საამქროები, ელექტრო ფოლადსადნობი საამქროს მშენებლობა; ზესტაფონის ფეროშენადნობთა ქარხნის იაპონური ტექნილოგიის ღუმელებისა და გაზგამწმენდი სისტემების მონტაჟი და სხვა; ასევე მონაწილეობდა "თბილსრესის" ენერგობლოკების სამონტაჟო სამუშაოების შესრულებაში; თანაავტორია ტექნიკური ზეთების რეგენერაციის დანადგარის; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 94-95