კალისტრატე დგებუაძე

დაბადების ადგილი: სოფელი ოტობაია, სოხუმის ოკრუგი.

დაამთავრა სოფლის შვიდწლედი 1926 წელს, ზუგდიდის პედაგოგიური ტექნიკუმი 1930 წელს.
1927 წელს შევიდა საქართველოს ალკკ რიგებში, საიდანაც დაიწყო აქტიური პარტიული მუშაობა; 1930 წლის სეტქემბრიდან - 1931 წლის ნოემბრამდე მუშაობდა საქართველოს ალკკ გალის რაიკომის საორგანიზაციო განყოფილების გამგედ; აქედან გადაყვანილ იქნა რაიონული გაზეთის რედაქტორის მოადგილედ, სადაც მუშაობდა 1933 წლის ბოლომდე.
1933-1934წწ. იყო აჩიგვარის საბჭოთა მეურნეობის მუშკომის თავჯდომარე; 1934 წლის მარტში დაინიშნა კომკავშირის გალის რაიკომის მდივნის მოადგილედ; 1935 წელს გაიწვიეს მუშურ-გლეხური წითელი არმიის რიგებში, სადაც მან მიიღო პოლიტიკური მუშაობის გამოცდილება; დემობილიზაციის შემდეგ მუშაობდა გალის რაიონის ფიჩორის არასრული საშუალო სკოლის დირექტორად; 1937 წლის ივლისში ის არჩეულ იქნა კომკავშირის გალის რაიკომის მდივნად; იმავე წლის სექტემბერში - საქართველოს ალკკ აფხაზეთის საოლქო კომიტეტის მეორე მდივნად; იყო საქართველოს ალკკ აფხაზეთის საოლქო კომიტეტის პლენუმის და საქართველოს ალკკ ცეკას პლენუმის წევრი; 1938 წელს იყო აფხაზეთის ასსრ-ის უმაღლესი საბჭოს ცენტრალური საარჩევნო კომისიის თავჯდომარე; 1938 წლის აფხაზეთის ასსრ-ის უმაღლესი საბჭოს არჩევნებზე რეგისტრირებული იყო აფხაზეთის ასსრ უმაღლესი საბჭოების დეპუტატობის კანდიდატად ქ. სოხუმის №12 პირველი მაისის საარჩევნო ოლქში, რომლის შედეგადაც ის არჩეულ იქნა აფხაზეთის ასსრ-ის I მოწვევის უმაღლესი საბჭოს დეპუტატად. საბჭოთა პოლიტიკური და სახელმწიფო და მოღვაწე.