გოჩა სხილაძე

დაბადების ადგილი: ქ. ზესტაფონი.

1989-1991 წლებში სწავლობდა თბილისის სასულიერო სემინარია-აკადემიაში, რომელიც არ დაუმთავრებია; დაამთავრა მოსკოვის თეოლოგიური ინსტიტუტი 1996 წელს.

1996-1999 წლებში ცხოვრობდა და მუშაობდა გერმანიაში; 2001-2002წწ. მუშაობდა პირველი სვირის საშუალო სკოლაში, გერმანული ენის მასწავლებლად; 2007 წლიდან მუშაობს ზესტაფონის ცენტრალურ ბიბლიოთეკაში, საინფორმაციო განყოფილების მთავარ სპეციალისტად; მისი პირველი ლექსები გამოქვეყნდა ჟურნალ "განთიადში" 1989 წელს; ლექსები და ესეები გამოქვეყნებული აქვს ჟურნალ "ალტერნატივაში", "ენიგმაში", "აფრაში", "ახალ საუნჯეში", "ლიტერატურულ გაზეთში", ასევე ელექტრონულ ჟურნალ "ელექტროლიტში"; 2016 წელს იყო ლიტერატურულ პრემია "საბას" ნომინანტი (ფინალისტი). 2020 წელს გაიმარჯვა გოდერძი ჩოხელის სახელობის ლიტერატურულ კონკურსში "ერთგულება", აიღო მეორე პრემია; გამოქვეყნებული აქვს ლექსების კრებულები: "მკვდართა მზე", "დიდი მზესუმზირა", "ამბორი სიბნელეში", "უნაპირო მდინარე".

წყარო: საზოგადოებრივი მაუწყებელი: 1tv.ge

• უნაპირო მდინარე : ლექსებისა და მედიტაციების წიგნი (ავტორი). - თბილისი, საუნჯე : ვაჟა წოწკოლაური, 2017. - 234გვ.. - ISBN: 9789941469121
• ამბორი სიბნელეში : ლექსები და ესეები (ავტორი). - თბილისი, "პრინტ-ექსპრესი", 2013. - 148გვ.. - ISBN: 9789941054464
• დიდი მზესუმზირა : ლექსები და ესეები (ავტორი). - თბილისი, "პრინტ-ექსპრესი", 2005. - 135გვ.
• მკვდართა მზე : ლექსები (ავტორი). - ქუთაისი, მოწამეთა, 1993. - 32გვ.