თენგიზ დათიაშვილი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტი და მიენიჭა ინჟინერ-მშენებლის კვალიფიკაცია, გათბობა-კანალიზაციისა და წყალმომარაგების განხრით 1973 წელს.

1973-1990წწ. მუშაობდა სახელმწიფო საპროექტო ინსტიტუტ "საქქალაქმშენსახპროექტი"-ს ქუთაისის ფილიალში ინჟინრად, ჯგუფის ხელმძღვანელად, სპეცსამუშაოების განყოფილების უფროსად; 1994 წელს სამუშაოდ გადავიდა ქ. მოსკოვში, სადაც მუშაობდა სამშენებლო კომპანია შპს "ბმ"-ის სამუშაოთა მწარმოებლად სპეცსამუშაოების განხრით; 1995-2000წწ. იყო ამავე კომპანიის მთავარი სპეციალისტი სპეცსამუშაოების დარგში; 2001-2002წწ. მუშაობდა ქუთაისის საქალაქო საბჭოს აღმასკომის არქიტექტურული სამმართველოს მთავარ ინჟინრად; 2002-2003წწ. კვლავ ქ. მოსკოვში მუშაობდა სამშენებლო კომპანია "ვიტმა-1"-ის მთავარ სპეციალისტად სპეცსამუშაოების დარგში; 2003-2008წწ. მუშაობდა ხობის რაიონის სოფელ ყულევის "ნავთობისა და ნავთობპროდუქტების გადასატვირთი ტერმინალის" მშენებლობაზე სამსახურის უფროსად, სპეცსამუშაოების განხრით; 2008 წლიდან მუშაობს სამშენებლო კომპანია "ბკ კონსტრაქშენ"-ის მთავარ სპეციალისტად სპეცსამუშაოების განხრით; მისი უშუალო მონაწილეობითა და ხელმძღვანელობით დაპროექტებულ იქნა წყალსადენის ქსელები - ქ. ქუთაისში, სამტრედიაში, აბაშაში, სენაკში, თერჯოლაში, აგრეთვე ქ. ქუთაისის მე-7, მე-8, და მე-9 მ/რაიონების წყალმომარაგება-კანალიზაციისა და გათბობის ქსელები; მრავალწლიანი შრომითი საქმიანობისა და დამსახურებისთვის მიღებული აქვს საუწყებო და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 107