გიორგი დალაქიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამდინარო ნაგებობებისა და ჰიდროელექტროსადგურების მშენებლობის სპეციალობით 1971 წელს.

1971-1972წწ. მუშაობდა საპროექტო ინსტიტუტ "თბილჰიდროპროექტში" - ინჟინრად; 1972-1973წწ. იყო საქართველოს პოლიტექნიკური ინსტიტუტის ერთ-ერთი ლაბორატორიის უფროსი ლაბორანტი; 1973-1974წწ. იყო ქ. მოსკოვის საინჟინრო-სამშენებლო ინსტიტუტის სტაჟიორ-მკვლევარი; 1974-1977წწ. კ. ზავრიევის სახელობის თბილისის სამშენებლო მექანიკისა და სეისმომედეგობის ინსტიტუტის ასპირანტი; 1978-1996წწ. მუშაობდა თბილისის სამშენებლო მექანიკისა და სეისმომედეგობის ინსტიტუტის მეცნიერ-თანამშრომლად, უფროს მეცნიერ-თანამშრომლად, ლაბორატორიის გამგედ; ამ პერიოდიდან შეთავსებით მუშაობდა საქართველოს პოლიტექნიკურ ინსტიტუტში; იყო საშენი მასალებისა და ნაკეთობების კათედრის დოცენტი, კითხულობდა ლექციებს; 1996-2004წწ. საქართველოს განათლებისა და მეცნიერების სამინისტროს მენეჯმენტის, მატერიალურ-ტექნიკური და სოციალური ბაზის განვითარების დეპარტამენტის თავმჯდომარე იყო; 2010 წლიდან საქართველოს ტექნიკური უნივერსიტეტის ჰიდროინჟინერიის დეპარტამენტის პროფესორია; მისი მონაწილეობითა და ხელმძღვანელობით განხორციელებულ იქნა საქართველოს განათლებისა და მეცნიერების სამინისტროს შენობის აღდგენა-რეკონსტრუქცია, ასევე განათლების სისტემის მთელი რიგი შენობა-ნაგებობების მშენებლობა და აღდგენა-რეკონსტრუქცია; დამუშავებულ იქნა ნორმატიული დოკუმენტაცია "ახალი სტანდარტები და საპროექტო ნორმები სასკოლო შენობებისათვის"; არის მონოგრაფიის, სახელმძღვანელოსა და 78 სამეცნიერო ნაშრომის ავტორი. დაიცვა საკანდიდატო დისერტაცია, მიენიჭა ტექნიკურ მეცნიერებათა კანდიდატის ხარისხი 1978 წელს.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 109-110

• 1980 - კომკავშირის პრემიის ლაურეატი, მეცნიერებისა და ტექნიკის დარგში
• ღირსების ორდენი
  მრავალწლიანი სამეცნიერო-პედაგოგიური საქმიანობისა და დამსახურებისათვის
• საქართველოს დამსახურებული მშენებელი
• საქართველოს დამსახურებული ინჟინერი