როლანდ დგებუაძე

დაბადების ადგილი: სოფელი საბერიო, გალის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპაციალობით და მიენიჭა ინჟინერ-მშენებლის კვალიფიკაცია 1963 წელს; ქ. ბაქოს უმაღლესი პარტიული სკოლა.

1963-1965წწ. გაიწვიეს საბჭოთა არმიის რიგებში; 1965-1973წწ. მუშაობდა ენგურის ჰესების კასკადის მშენებლობაზე - მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად; 1973 წელს გადაიყვანეს ენგურჰესის ძალოვანი კვანძის სამშენებლო სამმართველოს საწარმოო-ტექნიკური განყოფილების უფროსად; 1975 წელს გადაყვანილ იქნა პარტიულ სამუშაოზე, საქართველოს კომპარტიის გალის რაიონული კომიტეტის პარტიულ-საორგანიზაციო განყოფილების ინსტრუქტორად, შემდეგ კი პარტიულ-საორგანიზაციო განყოფილების გამგის თანამდებობაზე; 1981 წელს არჩეულ იქნა საქართველოს კომპარტიის გალის რაიონული კომიტეტის მდივნად; 1985-1993წწ. მუშაობდა გალის რაისაბჭოს აღმასკომის თავმჯდომარის მოადგილედ; 1993-2004წწ. გალის რაიონის გამგეობის თავმჯდომარის ჯერ მოადგილედ, შემდეგ კი პირველ მოადგილედ; არაერთგზის იყო არჩეული გალის რაისაბჭოს დეპუტატად; 1991 წელს არჩეულ იქნა აფხაზეთის ავტონომიური რესპუბლიკის უმაღლესი საბჭოს დეპუტატად; იყო აფხაზეთის უმაღლესი საბჭოს იდეოლოგიურ-საინფორმაციო მუდმივი კომისიის თავმჯდომარე; დიდი წვლილი აქვს შეტანილი ენგურის ჰესების კასკადის იმ ობიექტების მშენებლობაში, რომლებიც გალის რაიონის ტერიტორიაზე იყო განთავსებული; ასევე დიდი ღვაწლი მიუძღვის გალის რაიონის ეკონომიკური განვითარების საქმეში; დევნილობის პერიოდში ყოველთვის გვერდით ედგა რაიონიდან დევნილ მოსახლეობას, მათი პრობლემური საკითხების მოგვარების საქმეში; მრავალწლიანი შრომითი საქმიანობისა და დამსახურებისათვის მიღებული ჰქონდა საუწყებო და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 113-114