ვალერი დონჯაშვილი

დაბადების ადგილი: სოფელი ნუკრიანი, სიღნაღის რაიონი.

დაამთავრა საქართველოს პოლიტექნიკური ინსტიტუტის, ხიდებისა და გვირაბების მშენებელი ინჟინრის სპეციალობით 1972 წელს.

1972 წელს მუშაობა დაიწყო ქ. სიღნაღის საგზაო სამმართველოში მთავარ ინჟინრად; 1973-1983წწ. საქართველოს მელიორაციისა და წყალთა მეურნეობის სამინისტროს ტრესტ "იორწყალმშენის" №1 სამშენებლო სამმართველოს უბნის უფროსად; 1985 წლიდან ამავე სამინისტროს ტრესტ "ალაზანწყალმშენის" №5 სამმართველოს უბნის უფროსად; 1985-1993წწ. იყო საქართველოს მელიორაციისა და წყალთა მეურნეობის სამინისტროს კაჭრეთის რკინაბეტონის ქარხნის არმატურის საამქროს უფროსი; 2000 წლიდან მუშაობას იწყებს შპს "ამხანაგობის" და შპს "ბასილონის" მრავალსართულიანი საცხოვრებელი სახლების მშენებლობაზე სამუშაოთა მწარმოებლად; 2007-2017წწ. მუშაობდა შპს "მაგისტრალში" და შპს "მენოინტერნეიშელ"-ში ლითონკონსტრუქციების, ელ. შედუღებისა და არმატურის საამქროს უფროსად; 2017 წლიდან არის ალიანსი "თბილისის" ლითონკონსტრუქციების, ელ. შედუღებისა და არმატურის საამქროს უფროსი; მონაწილეობდა ქალაქ ქუთაისში სამხედრო კადეტთა კორპუსის, იუსტიციის სახლის, პარლამენტის, სამხედრო პოლიციის მშენებლობაში, ბაგრატის ტაძრის რესტავრაციაში, გორის იუსტიციის სახლი, თბილისის მრავალსართულიანი საცხოვრებელი კორპუსების და სხვა საზოგადოებრივი და საყოფაცხოვრებო ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 114