ნოდარ დოჭვირი

დაბადების ადგილი: ქ. ქუთაისი.

დაამთავრა ქ. თბილისის ი. ნიკოლაძის სახელობის სამხატვრო სასწავლებელი ფერწერის სპეციალობით 1966 წელს; თბილისის სახელმწიფო სამხატვრო აკადემია არქიტექტურის სპეციალობით 1971 წელს.

1968-1972წწ. მუშაობდა სახელმწიფო საპროექტო ინსტიტუტ "საქქალაქმშენსახპროექტში" უფროს ტექნიკოსად, არქიტექტორად; 1972-1974წწ. საკავშირო საპროექტო ინსტიტუტ "ვაჭრობპროექტის" ("გიპრიტორგ") საქართველოს ფილიალში უფროს არქიტერორად; 1974-1975წწ. საპროექტო ინსტიტუტ "კავსოფმრეწვმშენსახპროექტში" ჯგუფის ხელმძღვანელად; 1975-1998წწ. სახელმწიფო საპროექტო ინსტიტუტ "თბილქალაქპროექტში" ჯგუფის ხელმძღვანელად, პროექტის მთავარ არქიტექტორად; 1998-2009წწ. შპს "ტერიტორიათა განვითარების სააგენტოში" ("თბილქალაქპროექტი") პროექტის მთავარ არქიტექტორად, ხოლო პარალელურად საპროექტო-სამშენებლო კოოპერატივ "ჯვარი"-ს დირექტორად; 2009 წლიდან შპს "არქიტექდიზაინ ნოდო"-ს დირექტორია; პარალელურად ეწევა პედაგოგიურ მოღვაწეობას საჯარო სკოლებში ხატვა-ხაზვის მიმართულებით; მისი უშუალო მონაწილეობითა და ხელმძღვანელობით დამუშავებულ იქნა მრავალი საცხოვრებელი და საზოგადოებრივი დანიშნულების ობიექტის პროექტი. მათ შორის: პიონერთა ბანაკი ატენის ხეობაში 800 მოსწავლეზე (1971), რიწის ტბის განაშენიანების ზონის დაგეგმარება (1975), ს. ახმეტელის სახელობის დრამატული თეატრის შენობა ქ. თბილისში (1976), სპორტულ-გამაჯანსაღებელი კომპლექსი (1976), "ვანტური ხიდი" მტკვარზე (1991), ინდივიდუალური საცხოვრებელი სახლები და სხვა; მიღებული აქვს სამი პირველი ხარისხის პრემია არქიტექტურული პროექტების კონკურსებში მონაწილეობის შედეგად; სსრკ კომკავშირის ცენტრალური კომიტეტის სიგელი; საქართველოს მხატვართა ასოციაციის საპატიო სიგელი, საჯარო სკოლებში პედაგოგიური მოღვაწეობისათვის.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 115

• საქართველოს არქიტექტორთა კავშირი, წევრი