მერაბ ემირიძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის მანქანათმშენებლობის ტექნოლოგიის ფაკულტეტი და მიენიჭა ინჟინერ-მექანიკოსის კვალიფიკაცია 1986 წელს.

1987-1995წწ. მუშაობდა ჩაისა და სუბტროპიკული კულტურების საკავშირო სამეცნიერო-კვლევითი ინსტიტუტის ანასეულის ფილიალში, ინჟინერ-მექანიკოსად; დაამთავრა ამავე ინსტიტუტის ასპირანტურა; 1996-1998წწ. მუშაობდა ბათუმის მანქანათმშენებელ ქარხანაში ექსპერიმენტული საამქროს უფროსად, მთავარი ინჟინრის მოადგილედ, მთავარ ინჟინრად; 1999-2004წწ. სამშენებლო კომპანია "ანაგში" სამუშაოთა მწარმოებლად; 2004-2014წწ. გაეროს, ევროკავშირისა და ეუთოს ეგიდით განხორციელებული საერთაშორისო პროგრამების უზრუნველმყოფ ორგანიზაციებში კონსულტანტად და ექსპერტ-კონსულტანტად სამშენებლო საკითხებში; 2014 წლიდან მუშაობს სამშენებლო კომპანია "ანაგის" შესყიდვებისა და მატერიალურ-ტექნილოგიური უზრუნველყოფის სამსახურის ხელმძღვანელად (კომპლექტაციის სამმართველოს უფროსად); ავტორია ორი გამოგონების: ჩაის საგრეხი, საფერმენტაციო და საშრობი ახალი აგრეგატების შექმნისა და წარმოებაში დანერგვის განხრით; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 117-118