იაშა დიასამიძე

დაბადების ადგილი: სოფელი მარადიდი, აჭარის ავტონომიური რესპუბლიკა.

დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტის ფიზიკა-მათემატიკის ფაკულტეტი 1976 წელს; ლენინგრადის, გერცენის სახელობის სახელმწიფო პედაგოგიური ინსტიტუტის ალგებრის კათედრის ასპირანტურა 1978 წელს.

1968-1973 წწ. იყო ბათუმის სახელმწიფო პედაგოგიური ინსტიტუტის მათემატიკის კათედრის ლაბორანტი; 1977-1992 წწ. სხვადასხვა დროს ეჭირა ასპირანტის, მასწავლებლის და დოცენტის თანამდებობები; 1982 წელს დაიცვა საკანდიდატო დისერტაცია კიევის შევჩენკოს სახელობის სახელმწიფო უნივერსიტეტში, 2003 წელს, კი - სადოქტორო დისერტაცია თბილისის ივანე ჯავახიშვილის სახელობის სახელმწიფო უნივერსიტეტში; 1992-2004 წწ. მათემატიკის კათედრის დოცენტი, 2004 წლიდან - ამავე კათედრის პროფესორი, ხოლო 2021 წლიდან მათემატიკის დეპარტამენტის ემერიტუს-პროფესორი. მის შრომებში სრულადაა შესწავლილი ნახევარჯგუფებში ელემენტთა მარცხნიდან და მარჯვნიდან გაყოფადობის პირობები და გრინის ექვივალენტობები; ი. დიასამიძემ გამოსცა მონოგრაფია "ბინარულ მიმართულებათა სრული ნახევარჯგუფები", რომელიც აღიშნულ მიმართულებაში პირველი იყო. ემერიტუს-პროფესორი, საქართველოში აბსტრაქტული მათემატიკის ფუძემდებელი.

• ღირსების მედალი
  საქართველოში აბსტრაქტული მათემატიკის დაფუძნებისთვის

• ბინარულ მიმართებათა სრული ნახევარჯგუფების იდემპოტენტური ელემენტები : ლექციების კურსი (ავტორი). - ბათუმი, ბათუმის შოთა რუსთაველის სახელმწ. უნ-ტი, 2017 (უნ-ტის სტამბა), 2017. - 293გვ.. - ISBN: 9789941462566
• ალგებრა და რიცხვთა თეორია (ავტორი) // ნაწ. 2, მათემატიკის სპეციალობის სტუდენტებისათვის. - ბათუმი, შოთა რუსთაველის სახელმწ. უნ-ტის გამ-ბა, 2013 (უნ-ტის სტ.), 2013. - 388გვ.. - ISBN: 9789941434365
• ალგებრა და რიცხვთა თეორია (ავტორი) // ნაწ. 1, საფაკულტეტო სწავლებისათვის. - ბათუმი, შოთა რუსთაველის სახელმწ. უნ-ტის გამ-ბა, 2008. - 2016გვ.. - ISBN: 9994025473