ზურაბ თოფურია

დაბადების ადგილი: ქ. ქუთაისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი, სამრეწველო და სამოქალაქო მშენებლობის ინჟინერ-მშენებლის სპეციალობით 1957 წელს.

ინსტიტუტის დამთავრების შემდეგ განაწილებით მუშაობა დაიწყო რუსეთის ფედერაციის ქალაქ არტიომოვსკში (ციმბირი), ტრანსმაგისტრალის მშენებლობაზე, ცვლის უფროსად, ჯგუფის ხელმძღვანელად, ტრანსმაგისტრალის მშენებლობის მთავარ ინჟინრად; 1964 წელს გადმოდის თბილისში და მუშაობას იწყებს მეტრომშენში, ჯერ ჯგუფის უფროსად, შემდეგ №1 სამმართველოს მთავარ ინჟინრად, შემდგომ დაინიშნა №1 სამმართველო უფროსად; 1975 წელს ინიშნება საქართველოს სამხრეთ ოსეთის ავტონომიური ოლქის გზათა მშენებლობის მთავარი სამმართველოს უფროსად; 1985-1990წწ. იყო მეტრომშენის დირექტორის მოადგილე და მთავარი ინჟინერი; 1990-1998წწ. საპროექტო-სამშენებლო ცენტრის დირექტორი; მისი მონაწილეობით აშენდა სკოლები, საბავშვო ბაღები, დაპროექტებულია და აშენებულია კოოპერატივის "მეტროს" ქარხანა, მონაწილეობდა ქუთაისის საავტომობილო ქარხნის კონსტრუქციულ-არქიტექტურულ პროექტირებაში; მისი ხელმძღვანელობით აშენებულია სამხრეთ ოსეთის სამხედრო გზა. შრომის ორდენის კავალერი.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 130

• საქართველოს დამსახურებული ინჟინერი