როლანდ კომახიძე

დაბადების ადგილი: სოფელი ზედა განთიადი, ხელვაჩაურის მუნიციპალიტეტი.

დაამთავრა ბელგოროდის მ. ოლმინსკის სახელობის პედაგოგიური ინსტიტუტი 1974 წელს; ოდესის  სახელმწიფო უნივერსიტეტის ფილოლოგიის ფაკულტეტი სპეციალობით რუსული ენა ლიტერატურა 1977 წელს.

1978 წლიდან - ბათუმის შოთა რუსთაველის სახელობის პედაგოგიური ინსტიტუტი, რუსული ენის კათედრის მასწავლებელი; 1985 წლიდან - ბათუმის შოთა რუსთაველის სახელობის სახელმწიფო პედაგოგიურ ინსტიტუტი, რუსული ენის კათედრის გამგე; 1996 წლიდან - თბილისის სახელმწიფო უნივერსიტეტის ფილოლოგიის ფაკულტეტის სადისერტაციო საბჭოს წევრი; 2004 წლიდან - ბათუმის თავისუფალ ხელოვნებათა და მეცნიერებათა ინსტიტუტის რექტორი; 2006 წლიდან - ბათუმის სახელმწიფო უნივერსიტეტის სლავისტიკის დეპარტამენტის ხელმძღვანელი. სამეცნიერო ინტერესების სფეროს განეკუთვნება ტექსტი და თარგმანი, კულტურათშორისი კომუნიკაცია. სამეცნიერო ნაშრომების ავტორი. 2005 წელს  აირჩიეს ქ. სანქტ-პეტერბურგის სახელმწიფო უნივერსიტეტის საპატიო პროფესორად. ფილოლოგიის მეცნიერებათა დოქტორი (1995), პროფესორი (1996).

საკანდიდატო დისერტაციის თემა - "რუსული და ქართული ფიზიკური ტერმინოლოგიების შეპირისპირებითი კვლევა", დაიცვა 1982 წელს; სადოქტორო დისერტაციის თემა -  "ტექსტის პარადიგმატიკა და სინტაგმატიკა", დაიცვა 1995 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.473; სკოლა ევრო-2000: euro-2000.ge;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 136-137

• Парадигматика и синтагматика текста (ავტორი). - Тбилиси, ТГУ, 1995. - 208с.