დავით იოსებიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურული ფაკულტეტი, არქიტექტურის სპაციალობით 1981 წელს.

1981-1983წწ. მუშაობდა სახელმწიფო საპროექტო ინსტიტუტ "საქქალაქმშენსახპროექტში", №2 არქიტექტურული სახელოსნოს არქიტექტორად; 1983-1992წწ. იყო ამავე საპროექტო ინსტიტუტის №2 არქიტექტურული სახელოსნოს უფროსი არქიტექტორი, წამყვანი არქიტექტორი, ჯგუფის ხელმძღვანელი და პროექტის მთავარი არქიტექტორი; 1992-2011წწ. მუშაობდა საქართველოს ტექნიკურ უნივერსიტეტში, სადაც ეწეოდა პედაგოგიურ მოღვაწეობას; იყო არქიტექტურული ფაკულტეტის არქიტექტურული გეგმარების კათედრის უფროსი მასწავლებელი, კათედრის პედაგოგი, მთავარი სპეციალისტი და პედაგოგი-დოცენტი; 2012 წლიდან ეწევა კერძო სამეწარმეო საქმიანობას არქიტექტურისა და მშენებლობის სფეროში; მისი უშუალო მონაწილეობითა და ხელმძღვანელობით, საპროექტო ინსტიტუტ "საქქალაქმშენპროექტში" მუშაობის პერიოდში დამუშავებულ იქნა არაერთი მნიშვნელოვანი ობიექტის პროექტი. მათ შორის: სპორტული ბაზის ბაზალეთის ტბაზე, სანატორიუმის 300 ადგილზე ქ. ოჩამჩირეში, ენგურის ხეობის გაუწყლოვანებული კალაპოტის ათვისების გენერალური სქემის, საფეხბურთო კლუბ თბილისის "დინამოს" საწვრთნელი ბაზის დიღომში (ქ. თბილისში), ანაკლიის და განმუხურის შავიზღვისპირა საკურორტო ზონის პერსპექტიული განვითარების გენერალური გეგმის, სპორტული კომპლექსის ქ. რუსთავში და სხვა; თანაავტორია რამდენიმე საგაზეთო სტატიის ისტორიულ-კულტურული და ისტორიულ-არქიტექტურული კვლევების თემატიკაზე; მრავალწლიანი შემოქმედებითი და პედაგოგიური მოღვაწეობისათვის მიღებული აქვს საკონკურსო და საუწყებო ჯილდოები , ასევე საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 134-135

• საქართველოს არქიტექტორთა კავშირი, წევრი