ლევან კაკაბაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო  და სამოქალაქო მშენებლობის სპეციალობით და მიენიჭა ინჟინერ-მშენებლის კვალიფიკაცია 1963 წელს.

1963-1973წწ. მუშაობდა საქართველოს მშენებლობის სამინისტროს სამშენებლო ტრესტ "საქსოფლმშენის"-ა და შემდეგ საქართველოს სასოფლო მშენებლობის სამინისტროს სისტემაში სამშენებლო სამმართველოს მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად (უბნის უფროსად) - მარნეულის რაიონში; 1973-1978წწ. მუშაობდა საართველოს მშენებლობის სამინისტროს №7 სამშენებლო-სამონტაჟო ტრესტ "საქშახტმშენის" სამშენებლო სამმართველო "მარნეულშახტმშენის" სამუშაოთა მწარმოებლად, საწარმოო ტექნიკური განყოფილების უფროსად, სამმართველოს უფროსის მოადგილედ; 1978 წელს გადაყვანილ იქნა საქართველოს სასოფლო მშენებლობის სამინისტროს №13 სამშენებლო ტრესტის საწარმოო-ტექნოლოგიური კომპლექტაციის სამმართველოს უფროსად; 1982-1988წწ. მუშაობდა საქართველოს მშენებლობის სამინისტროს საწარმოო-სამშენებლო გაერთიანება "თბილქალაქმშენი"-ს მიწისქვეშა ნაგებობათა სამშენებლო სამმართველოს ჯერ მთავარ ინჟინრად, შემდეგ კი სამმართველოს უფროსად; 1988-2009წწ. მუშაობდა საწარმოო-სამშენებლო გაერთიანება "თბილქალაქმშენის" (შემდეგ ს.ს. "თბილქალაქმშენის") №1 სამშენებლო სამმართველოს უფროსის მოადგილედ; პროფესიული საქმიანობის სხვადასხვა ეტაპზე მისი მონაწილეობითა და ხელმძღვანელობით აშენებულ იქნა მრავალი მნიშვნელოვანი სასოფლო-სამეურნეო, სამრეწველო და კულტურულ-საგანმანათლებლო დანიშნულების ობიექტი ქვემო ქართლის რეგიონში; საცხოვრებელი და საზოგადოებრივი დანიშნულების ობიექტები ქ. თბილისის მ/რაიონებში; აქტიურად იყო ჩართული მიწისძვრით დაზარალებული საცხოვრებელი სახლებისა და შენობა-ნაგებობების აღდგენა-გამაგრებითი სამუშაოების შესრულებაში საჩხერის რაიონის ტერიტორიაზე; მრავალწლიანი შრომითი საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 138