კონსტანტინე კახეთელიძე

დაბადების ადგილი: ქ. რუსთავი.

დაამთავრა თბილისის სახელმწიფო სამხატვრო აკადემიის არქიტექტურული ფაკულტეტი, არქიტექტურის სპეციალობით 2001 წელს.

1999-2001წწ. მუშაობდა სამშენებლო კომპანია "ბლოკჯორჯიაში" არქიტექტორის თანაშემწედ; 2001-2004წწ. არქიტექტორად; 2001-2003წწ. პარალელურად, შეთავსებით თბილისის სამხატვრო აკადემიაში კომპიუტერული გრაფიკის პედაგოგად; 2004-2007წწ. ქ. რუსთავის მერიის საპროექტო ორგანიზაციაში, შპს "ხუროთმოძღვარი"-ს არქიტექტორად; 2009-2013წწ. იყო "K სტუდიო"-ს მთავარი არქიტექტორი; 2014-2017წწ. ეწეოდა კერძო სამეწარმეო საქმიანობას ინდმეწარმის სტატუსით; მისი უშუალო მონაწილეობითა და ხელმძღვანელობით დამუშავებულ იქნა არაერთი მნიშვნელოვანი ობიექტის საპროექტო დოკუმენტაცია, მათ შორის: სავაჭრო ცენტრ "რივერსაიდი"-ს, მტკვრის მარცხენა სანაპიროზე (2009), მრავალსართულიანი საცხოვრებელი სახლის ქ. თბილისში (2006), ბრიტანეთის საელჩოს კულტურის განყოფილების (2001), ინდივიდუალური საცხოვრებელი სახლების დ. წყნეთში და დიღმის მასივში, ქ. თბილისი (2008-2010) და სხვა.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 143-144