სალომე ომიაძე

დაამთავრა თბილისის სახელმწიფო უნივერსიტეტის ფილოლოგიის ფაკულტეტის ქართველურ ენათა განყოფილება 1991 წელს; ამავე უნივერსიტეტის ფილოლოგიის ფაკულტეტის ასპირანტურა - 1994 წელს; დოქტორანტურა - 2006 წელს.

1991-1994წწ. - თბილისის სახელმწიფო უნივერსიტეტი, ახალი ქართული ენის კათედრის ასპირანტი; 1995-1997წწ. – ამავე უნივერსიტეტის ახალი ქართული ენის კათედრის მასწავლებელი; 1997-2006წწ. – ახალი ქართული ენის კათედრის დოცენტი; 2006 წლიდან – ჰუმანიტარულ მეცნიერებათა ფაკულტეტი, ასოცირებული პროფესორი; 1993-1995წწ. - ეგზიუპერის სახელობის ქართულ-ფრანგული კოლეჯი, ქართული ენისა და ლიტერატურის მასწავლებელი; 1995-1996წწ. - სატელევიზიო სტუდია "აუდიენცია", სტილისტ-რედაქტორი; 2004-2009წწ. - საქართველოს საზოგადოებრივ საქმეთა ინსტიტუტი (GIPA), 2004-2007წწ. – მიწვეული ლექტორი (ასოცირებული პროფესორი), 2007-2009წწ. – სრული პროფესორი; 2008-2016წწ. - კავკასიის უნივერსიტეტი, მიწვეული ლექტორი (ასოცირებული პროფესორი); 2011-2015წწ. - არნ. ჩიქობავას სახელობის ენათმეცნიერების ინსტიტუტი, ზოგადი ენათმეცნიერების განყოფილების მთავარი მეცნიერ-თანამშრომელი; 2015-2018წწ. – ამავე ინსტიტუტის ზოგადი ენათმეცნიერების განყოფილების უფროსი მეცნიერ-თანამშრომელი; 2018 წლიდან – ზოგადი ენათმეცნიერების განყოფილების მთავარი მეცნიერ-თანამშრომელი. კვლევის ძირითადი მიმართულებები: ლინგვოკულტუროლოგია, ქართული ენის სტილისტიკა, პრაგმატიკა, სემიოტიკა, კოგნიტიური ლინგვისტიკა, პედაგოგიკა. სამეცნიერო შრომების ავტორი. ერთი რომანის, 7 მოთხრობის, 100-ზე მეტი საბავშვო ლექსის ავტორი. ფილოლოგიის მეცნიერებათა დოქტორი (2006), პროფესორი.

საკანდიდატო დისერტაციის თემა - "სიტყვათა სემანტიკური ჯგუფები და "შეუძლებელი შეხამებანი" თანამედროვე პოეზიის ენაში", დაიცვა 1995 წელს; სადოქტორო დისერტაციის თემა - "ქართული დისკურსის ლინგვოკულტურულ შემადგენელთა სტრუქტურა, სემანტიკა და ფუნქციონირება", დაიცვა 2006 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.484; საქართველოს მეცნიერებათა ეროვნული აკადემია: science.org.ge

• საგანმანათლებლო რესურსების ნაკრები ჩვენი სამყარო : პირველი სერიის მეხუთე მოდული ”წითელი ჭიამაია” (ავტორი). - თბილისი, 2015. - 36გვ. . - ISBN: 9789941946011
• საპნის ბუშტები : მოთხრობა (ავტორი). - თბილისი, 2015. - 16გვ.
• საგანმანათლებლო რესურსების ნაკრები ჩვენი სამყარო : მეორე სერიის მერვე მოდული "პარკში" (ავტორი). - თბილისი, 2015. - 30გვ.. - ISBN: 9789941943904
• ანას : წერილები და მოგონებები ანა კალანდაძეზე (თანაავტორი). - თბილისი, ენათმეცნიერების ინ-ტი, 2014. - 253გვ.
• დედები და შვილები : ლექსი (ავტორი). - თბილისი, სანი, 2002. - 12გვ.. - ISBN: 9992898593