რევაზ კვარაცხელია

დაბადების ადგილი: სოფელი ჯგალი, წალენჯიხის რაიონი.

დაამთავრა საქართველოს პოლიტექნიკური ინსტიტუტი სამრეწველო და სამოქალაქო მშენებლობის სპეციალობით და მიენიჭა ინჟინერ-მშენებლის კვალიფიკაცია 1971 წელს.

1971-1973წწ. მუშაობდა საქართველოს მშენებლობის სამინისტროს ქ. ზუგდიდის №133 მოძრავ-მექანიზებული კოლონის სამუშაოთა მწარმოებლად; 1973-1974წწ. მუშაობდა ენგურის ჰესების კასკადის კომპლექსის მშენებლობაზე, სამუშაოთა მწარმოებლადიმ სამშენებლო სამმართველოში, რომელიც ახორციელებდა მიწისქვეშა ძალოვანი კვანძისა და სადაწნეო გვირაბის მშენებლობას; 1974-1975წწ. მუშაობდა საქართველოს სასოფლო მშენებლობის სამინისტროს №7 სამშენებლო ტრესტის №6 მოძრავ-მექანიზებული კოლონაში უფროს სამუშაოთა მწარმოებლად გალის რაიონში; 1975 წელს გადაყვანილ იქნა იმავე ტრესტის ქ. გაგრის №8 მოძრავ-მექანიზებულ კოლონაში, საწარმოო-ტექნიკური განყოფილების უფროსად, სადაც იმუშავა 1979 წლამდე; 1979 წლიდან მუშაობა დაიწყო საქართველოს სოფლის მეურნეობის სამინისტროს ქ. სენაკის №2 სარემონტო-სამშენებლო ტრესტის ქ. გაგრის სამშენებლო უბნის უფროსად; 1983 წლიდან იყო იმავე ტრესტის ახლადშექმნილი ქ. გაგრის სარემონტო-სამშენებლო სამმართველოს უფროსი; 1988 წელს დაინიშნა ქ. გაგრის სარემონტო-სამშენებლო სამმართველოს ბაზაზე შექმნილი საქართველოს სოფლის მეურნეობის სამინისტროს აფხაზეთის სარემონტო-სამშენებლო ტრესტის მმართველად; აღნიშნულ ტრესტში გაერთიანდა აფხაზეთის ავტონომიური რესპუბლიკის ტერიტორიაზე მოქმედი საქართველოს მეურნეობის სამინისტროს დაქვემდებარებაში არსებული ყველა სარემონტო-სამშენებლო და სპეცსამონტაჟო ორგანიზაციებში, ასევე სატრანსპორტო და საშენ მასალათა მწარმოებელი სამრეწველო საწარმოები; აღნიშნული ტრესტ 1988-1992წწ. აწარმოებდა აფხაზეთის ავტონომიური რესპუბლიკის ტერიტორიაზე არსებული სასოფლო-სამეურნეო დანიშნულების ობიექტების რეკონსტრუქციასა და კაპიტალურ რემონტს, კომუნალური და საგზაო ინფრასტრუქტურის განვითარებას; უშუალოდ მონაწილეობდა არაერთი მნიშვნელოვანი ობიექტის მშენებლობაში; მათ შორის: მაღლივი, თაღოვანკაშხლიანი "ენგურჰესის" მიწისქვეშა ძალოვანი კვანძისა და ენგურის ჰესების კასკადის სადაწნეო გვირაბის მშენებლობაში, წალენჯიხის №2 ჩაის ფაბრიკის, საშუალო სკოლისა და საბავშვო ბაღის მშენებლობაში; ასევე მისი ხელმძღვანელობით აშენებულ იქნა ქ. გაგრის მეციტრუსეობის მეურნეობის პანსიონატ-პროფილაქტორიუმის ახალი კორპუსი; აფხაზეთის სარემონტო-სამშენებლო ტრესტის მმართველად მუშაობის პერიოდში, მისი ხელმძღვანელობით განხორციელდა აფხაზეთის ავტონომიური რესპუბლიკის ტერიტორიაზე არსებული, მრავალი მნიშვნელოვანი სასოფლო-სამეურნეო დანიშნულების ობიექტის რეკონსტრუქცია და კაპიტალური რემონტი, განვითარდა სასოფლო, კომუნალური და საგზაო ინფრასტრუქტურა, აშენდა კულტურულ-საგანმანათლებლო დანიშნულების ობიექტები; მისი ხელმძღვანელობით ტრესტი აქტიურად იყო ჩართული მიწისძვრით დაზარალებული რაჭის რეგიონის ობიექტების აღდგენითი სამუშაოების შესრულებაში, ასევე მეწყერული მოვლენებით დაზარალებული აჭარის მოსახლეობისათვის (ეკო-მიგრანტებისათვის) საცხოვრებელი დასახლების მშენებლობაში მარნეულის რაიონში; მონაწილეობა აქვს მიღებული სომხეთის რესპუბლიკაში მომხდარი მიწისძვრის შედეგად დაზარალებული ახურიანის რაიონში 35 საცხოვრებელი სახლის, სკოლისა და საბავშვო ბაღის აღდგენითი სამუშაოების შესრულებაში; 1992-1993წწ. აფხაზეთში წარმოებული საომარი მოქმედების შედეგად, იძულებული იყო სამუშაოდ გადასულიყო ქ. მოსკოვში, სადაც 1993-2018წწ. ეწეოდა კერძო სამეწარმეო საქმიანობის სამშენებლო სფეროში; იყო შპს "მამული-2000"-სა და შპს "ტექსტოი"-ს გენერალური დირექტორი; საქართველოში დაბრუნების შემდეგ, 2019 წლიდან, მუშაობს ქ. თბილისში; არის შპს "ტექმშენი"-ს გენერალური დირექტორი და ეწევა კერძო სამეწარმეო საქმიანობას სამშენებლო სფეროში; მრავალწლიანი წარმატებული შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 150-151