ნუგზარ კირთაძე

დაბადების ადგილი: ქ. ხონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1982 წელს.

1982-2002წწ. მუშაობდა სახელმწიფო საპროექტო ინსტიტუტ "საქქალაქმშენსახპროექტში", №1 არქიტექტურული სახელოსნოს ინჟინრად, უფროს ინჟინრად, ჯგუფის ხელმძღვანელად, პროექტის მთავარ ინჟინრად; 2002-2009წწ. შპს "აქსისის" მთავარ სპეციალისტად; 2009-2010წწ. იყო შპს "კოლხეთი"-ს მთავარი კონსტრუქტორი; 2010-2013წწ. შპს "ბლოკ ჯორჯია"-სა და შპს "დექსუსი"-ს მთავარი კონსტრუქტორი; 2013 წლიდან შპს "ცენტრ-პოინტისა" და შპს "გეითვეი ჰოლდინგის" მთავარი კონსრუქტორია; მისი უშუალო მონაწილეობითა და ხელმძღვანელობით დამუშავებულ იქნა მრავალი საცხოვრებელი, ჯანდაცვის სფეროსა და საზოგადოებრივი დანიშნულების მნიშვნელოვანი ობიექტის პროექტი, მათ შორის: მრავალბინიანი საცხოვრებელი სახლების პეტრიაშვილის, საბურთალოს, ქავთარაძის, პეტრიწის (დიდ დიღომში), გამრეკელის, ტაბიძისა და მაყაშვილის ქუჩებზე, წერეთლის, ყაზბეგისა და გურამიშვილის გამზირებზე (ქ. თბილისში), პუშკინის ქუჩაზე, ქ. ბათუმში და სხვა; ასევე ფუნიკულიორის კომპლექსისა და მთაწმინდის პარკის რეკონსტრუქციის, სამების საკათედრო ტაძრის, მრავალპროფილური საავადმყოფოს კომპლექსები ქ. ქუთაისში, ქ. ტყიბულში, ქ. ლაგოდეხში და ზუგდიდის რაიონის სოფ. რუხში; "რედკოს" სასტუმრო კომპლექსები დ. ბაკურიანში და დ. გუდაურში; ინდივიდუალური საცხოვრებელი სახლები სოფ. ტაბახმელაში, დ. წყნეთში, დ. ბაკურიანში, სოფ. კოჯორში და დ. გუდაურში; მიღებული აქვს სრულიად საქართველოს კათოლიკოს პატრიარქის საპატრიარქო სიგელი, ყოვლადწმინდისა სამების საკათედრო ტაძრის მშენებლობაში მონაწილეობისათვის და სხვადასხვა საუწყებო ჯილდოები და საპატიო სიგელები მრავალწლიანი შემოქმედებითი მოღვაწეობისა და დამსახურებისათვის.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 158-159