ივანე ზაუტაშვილი

დაბადების ადგილი: ქ. ყვარელი.

1902 წლიდან მონაწილეობდა ხაშურში ადგილობრივი დეპოს მუშების პოლიტიკურ დემონსტრაციებში, ხაშურის მუშების საგაფიცვო მოძრაობასა და მთავრობის საწინააღმდეგო გამოსვლებში 1905 წელს. ეწეოდა პროპაგანდა-აგიტაციას, ადგენდა მეამბოხეთა წრეებს, იარაღით ებრძოდა მეფის მთავრობის მოხელეებსა და სხვ. 1908 წლის 18 თებერვალს შეიპყრეს და სამხედრო სასამართლომ 20 წლით კატორღა მიუსაჯა, იჯდა მეტეხისა და ნიკოლაევის ციხეებში, განთავისუფლდა რევოლუციის შემდეგ. რევოლუციონერი, პოლიტკატორღელი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.204