ფელიქს კონტრიძე

დაბადების ადგილი: ქ. თბილისი.

დაამთავრა ქ. თბილისის სასოფლო-სამეურნეო ინსტიტუტის ჰიდრომელიორაციის ფაკულტეტი და მიენიჭა ინჟინერ-ჰიდროტექნიკოსის კვალიფიკაცია 1956 წელს.

1956-1960წწ. მუშაობდა სახელმწიფო საპროექტო ინსტიტუტ "საქქალაქმშენსახპროექტში" (ყოფილი "საქკომუნპროექტი") ინჟინერ-კონსტრუქტორის თანამდებობაზე; 1961 წლიდან სამუშაოდ გადავიდა ახლადშექმნილ თბილისის ზონალურ სამეცნიერო-კვლევით და ექსპერიმენტული პროექტირების ინსტიტუტში ("თბილზნიეპი"), სადაც მუშაობდა 1967 წლამდე უფროს ინჟინერ-კონსტრუქტორად, ჯგუფის ხელმძღვანელად; 1967 წლიდან კვლავ სახელმწიფო საპროექტო ინსტიტუტ "საქქალაქმშენსახპროექტში" მუშაობს ჯერ კონსტრუქტორთა ჯგუფის ხელმძღვანელად, შემდეგ პროექტის მთავარ კონსტრუქტორად, არქიტექტურული სახელოსნოს მთავარ კონსტრუქტორად, არქიტექტურული სახელოსნოს ხელმძღვანელად; 2004 წლიდან ინიშნება ამავე საპროექტო ინსტიტუტის კონსტრუქციული განყოფილების უფროსად; მისი უშუალო მონაწილეობითა და ხელმძღვანელობით დამუშავებულ იქნა მრავალი საცხოვრებელი, კულტურულ-საგანმანათლებლო და საზოგადოებრივი დანიშნულების მნიშვნელოვანი ობიექტების პროექტები; მათ შორის: პანსიონატი "ცოდნა" დ. ბობოყვათში, ტურბაზა ქ. ახალციხეში, საკავშირო ცკ საქმეთა მმართველობის 500 ადგილიანი დასასვენებელი სახლი "მზიური"-ს კომპლექსი ქ. გაგრაში, აგრეთვე სხვა მსხვილი საკურორტო კომპლექსები აფხაზეთისა და აჭარის ავტონომიური რესპუბლიკების ტერიტორიაზე და სხვადასხვა სამოქალაქო დანიშნულების ობიექტები საქართველოს რაიონებში; მრავალი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 161-162