როსტომ ფარეულიძე

დაბადების ადგილი: სოფელი ომალო, ახმეტის რაიონი.

დაამთავრა თელავის სახელმწიფო პედაგოგიური ინსტიტუტის ფილოლოგიის ფაკულტეტი, სპეციალობა ქართული ენა და ლიტერატურა 1968 წელს; თბილისის სახელმწიფო უნივერსიტეტის ფილოლოგიის ფაკულტეტის კავკასიურ ენათა განყოფილება.

1965 წლიდან – ჯოყოლოს 8-წლიანი სკოლა, ქართული ენისა და ლიტერატურის მასწავლებელი; 1968 წლიდან - ომალოს 8-წლიანი სკოლა, ქართული ენისა და ლიტერატურის მასწავლებელი; 1977 წლიდან - საქართველოს მეცნიერებათა აკადემია, ენათმეცნიერების ინსტიტუტი, უმცროსი მეცნიერ-თანამშრომელი; 1986 წლიდან - მეცნიერ-თანამშრომელი; 1989 წლიდან - უფროსი მეცნიერ-თანამშრომელი. სამეცნიერო შრომებისა და სტატიების ავტორი. ფილოლოგიის მეცნიერებათა დოქტორი (2005).

საკანდიდატო დისერტაციის თემა - "არსებით სახელთა ბრუნების ძირითადი საკითხები ჩაჩნურში (ქისტური მეტყველების მონაცემთა მიხედვით)", დაიცვა 1985 წელს; სადოქტორო დისერტაციის თემა - "ჩეჩნური ზმნა", დაიცვა 2005 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.491; პანკისის ხეობა: pankisi.ge

• არსებით სახელთა ბრუნების ძირითადი საკითხები ჩეჩნურში : ქისტური მეტყველების მიხედვით (ავტორი). - თბილისი, თბილ. უნ-ტის გამ-ბა, 2014. - 156გვ.. - ISBN: 9789941133794
• ჩეჩნური ზმნა : მონოგრაფია (ავტორი). - თბილისი, უნივერსალი, 2008. - 300გვ. . - ISBN: 9789941121418
• ჩეჩნურ-ქართული ლექსიკონი = Нохчийн-гуьржийн дошам (ავტორი). - თბილისი, ქართული ენა, 2003. - 356გვ.. - ISBN: 999407184X
• ჩეჩნური ფოლკლორი = Чеченский фольклор (შემდგენელი). - თბილისი, კავკასიური სახლი, 2002. - 160გვ.
• ინგუშური ფოლკლორი (შემდგენელი). - თბილისი, კავკასიური სახლი, 2001. - 160გვ. . - ISBN: 9992871091