ვაჟა მაკალათია

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტი 1982 წელს.

1982-1984წწ. მუშაობდა რუსეთის ფედერაციის ქ. ულიანოვსკის სპეციალიზებულ სამშენებლო ტრესტ "სპეცმშენი"-ს №1290 მოძრავ-მექანიზებული კოლონის მშენებელ ოსტატად; 1984-1991წწ. საქართველოს საწარმოო და სამეცნიერო-კვლევით გაერთიანება "საქართველოს შავი ზღვის ნაპირდაცვის" ქ. ბათუმის სპეციალიზებულ მოძრავ-მექანიზებული კოლონის უფროს სამუშაოთა მწარმოებლად (უბნის უფროსად)ლ 1991-1993წწ. იყო საქართველოს საზღვაო სანაოსნოს სამშენებლო-სარემონტო სამმართველოს სამუშაოთა მწარმოებელი; 1993-1997წწ. მუშაობდა რუსეთის ფედერაციის, ულიანოვსკის ოლქის, სურსკის რაიონის სამშენებლო კოოპერატივ "ინვესტიცია"-ს უდროს სამუშაოთა მწარმოებლად (უბნის უფროსად); 1997-1999წწ. მუშაობდა საქართველოს ურბანიზაციისა და მშენებლობის სამინისტროს საბინაო-კომუნალური დეპარტამენტის ტრანსპორტისა და ენერგეტიკის სამმართველოს მთავარ სპეციალისტად; 1999-2000წწ. საწარმოო-ტექნიკური სამმართველოს უფროსის მოადგილედ; 2000-2003წწ. იყო კეთილმოწყობისა და სანიტარული სამმართველოს უფროსის მოადგილე; 2003-2005წწ. მუშაობდა ქ. თბილისის მერიის ზედამხედველობის საქალაქო სამსახურის, არქიტექტურულ-სამშენებლო და ადმინისტრაციული ზედამხედველობის განყოფილების მთავარ სპეციალისტად; 2005-2006წწ. იყო ქ. თბილისის მერიის ადმინისტრაციული ინსპექციის ნებართვების განყოფილების ჯგუფის უფროსი; 2006-2012წწ. მუშაობდა შპს "გლობალ-ბლოკი"-ს დირექტორის მოადგილედ; 2012-2014წწ. იყო შპს "ტრიჯიტი"-ს მშენებლობის ტექნიკური ზედამხედველი; 2014 წლიდან ა(ა)იპ "თბილისის მუნიციპალური ლაბორატორიის" დირექტორის მოადგილეა; მისი მონაწილეობითა და ზედამხედველობით აშენებულ იქნა არაერთი სასოფლო-სამეურნეო და სამრეწველო დანიშნულების ობიექტი, ასევე მრავალბინიანი საცხოვრებელი სახლები მონოლითური საწარმოო-ტექნოლოგიური მეთოდით, ქ. ბათუმში, ხელოვნური საინჟინრო ნაგებობები, კომუნალური მეურნეობის ობიექტები და სხვა; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 178-179