იოსებ მეტრეველი

დაბადების ადგილი: ხაშურის რაიონი.

დაამთავრა საქართველოს პოლიტექნიკური ინსტიტუტის გეოლოგიის ფაკულტეტი, ჰიდროლოგიისა და საინჟინრო გეოლოგიის სპეციალობით 1970 წელს.

1970-1974წწ. მუშაობდა სახელმწიფო საპროექტო ინსტიტუტ "საქსაფელმშენსახპროექტი"-ს ქ. სოხუმის ფილიალში, საძიებო განყოფილების ინჟინერ-გეოლოგად, უფროს ინჟინერ-გეოლოგად, საინჟინრო გეოლოგიური ბრიგადის უფროსად; 1974-1977წწ. იყო საპროექტო ინსტიტუტ "საქსაკოლმპროექტი"-ს ქ. სოხუმის ფილიალის უფროსი ინჟინერ-გეოლოგი, საძიებო განყოფილების უფროსი; 1977-1979წწ. მუშაობდა აფხაზეთის ასსრ მშენებლობის საქმეთა სახელმწიფო კომიტეტთან ("სახმშენ"-თან) არსებული განყოფილების უფროსად; 1979-1984წწ. იყო საპროექტო ინსტიტუტ "საქსაკოლმპროექტის" ქ. სოხუმის ფილიალის საძიებო განყოფილების პარტიის უფროსი; 1984-1988წწ. მუშაობდა საქართველოს გეოლოგიური სამმართველოს ჰიდროგეოლოგიური და საინჟინრო-გეოლოგიური ექსპედიციის შავიზღვისპირეთის საინჟინრო-გეოლოგიური პარტიის უფროს ინჟინერ-გეოლოგად; 1988-1991წწ. იყო საპროექტო ინსტიტუტ "საქსაკოლმპროექტის" ქ. სოხუმის ფილიალის საძიებო განყოფილების უფროსი; 1991-1996წწ. მუშაობდა საქართველოს არქიტექტურისა და მშენებლობის საქმეთა სამინისტროსთან არსებული საშენი მასალებისა და მშენინდუსტრიის პერსპექტიული განვითარების ცენტრის მთავარ სპეციალისტად; 1996-2004წწ. იყო საქართველოს ურბანიზაციისა და მშენებლობის სამინისტროს მშენებლობის, პროექტირებისა და შენობა-ნაგებობათა აღდგენა-რეკონსტრუქციის სამეცნიერო-ტექნიკური ცენტრის სამსახურის უფროსი; 2005 წლიდან მუშაობს შპს "მშენაღდგენა/მ"-ს გენერალური დირექტორის მოადგილედ; მრავალწლიანი პროფესიული პრაქტიკული მუშაობის პერიოდში მისი უშუალო მონაწილეობითა და ხელმძღვანელობით დამუშავებულ იქნა არაერთი საცხოვრებელი სახლის, სკოლის, ხიდების, გზებისა და სხვა ინფრასტრუქტურული ობიექტების სამშენებლო პროექტების საინჟინრო-გეოლოგიური ნაწილი, სათანადო კვლევების ჩატარებით; ასევე იკვლევდა აფხაზეთის ა/რესპუბლიკის ტერიტორიაზე წონასწორობა დარღვეულ ადგილებსა და შავი ზღვის სანაპირო ზოლს, შესაბამისი ანგარიშებისა და რეკომენდაციების შედგენით; ჩატარებული აქვს ქ. თბილისში და საქართველოს რეგიონებში ასაშენებელი მნიშვნელოვანი, სხვადასხვა დანიშნულების ობიექტების სამშენებლო მოედნების (ტერიტორიების) საინჟინრო-გეოლოგიური პირობების კვლევები და სამშენებლო პროეტების საინჟინრო-გეოლოგიური ნაწილის კომპლექსური ექსპერტიზა; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 195-196