ნოდარ მოდებაძე

დაბადების ადგილი: ქ. რუსთავი.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი 1983 წელს.

1983 წელს მუშაობა დაიწყო საპროექტო ინსტიტუტ "საქსპორტპროექტში", საიდანაც გაწვეულ იქნა საბჭოთა არმიის რიგებში, სავალდებულო სამხედრო სამსახურში; სამხედრო სამსახურიდან დაბრუნების შემდეგ, კვლავ მუშაობდა საპროექტო ინსტიტუტ "საქსპორტპროექტში", 1996 წელს მუშაობა დაიწყო რუსთავის საქალაქო საბჭოს აღმასკომის არქიტექტურულ განყოფილებაში არქიტექტორად; 1988 წელს დაინიშნა ქ. რუსთავის მთავარი არქიტექტორის მოადგილედ; ხელმძღვანელობდა საწარმო-საპროექტო ჯგუფს; 1998 წელს გადაყვანილ იქნა ქ. რუსთავის მარცხენა სანაპიროს გამგეობის არქიტექტორად; 2000 წელს დაინიშნა ქ. რუსთავის მერიის მიერ დაფუძნებულ შპს "ხუროთმოძღვარი"-ს დირექტორად; მისი მონაწილეობითა და ხელმძღვანელობით დამუშავებულ იქნა არაერთი სამრეწველო, სამოქალაქო და საკულტო დანიშნულების ობიექტის მშენებლობის პროექტი. მათ შორის: სასტუმროების დ. ბაკურიანში, საყოფაცხოვრებო მომსახურების კომპლექსის, რესტორნის "ჩვენი ეზო", პურის ქარხნის, "ჭყონდიდელი"-ს დასახლებაში და მინის ქარხნის, მშვიდობის ქუჩაზე ქ. რუსთავში; აგრეთვე გორგასლის, წმ. ნიკოლოზის, წმ. გიორგისა და ხარების სახელობის ტაძრების ქ. რუსთავში; წმ. ბარბარეს სახელობის ტაძრის ლაგოდეხის რაიონის სოფ. გურგენიანში და წმ. გიორგის სახელობის ტაძრის დ. სურამში; ინდივიდუალური საცხოვრებელი სახლებისა და დასახლებების ქ. რუსთავის VI მ/რაიონში და ქუჩიშვილი-ტაბიძის ქუჩების მიმდებარე ტერიტორიაზე; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 202-203