კონსტანტინე თაყაიშვილი

დაბადების ადგილი: ქ. თბილისი.

სწავლობდა თბილისის სასულიერო სასწავლებელში (1886-1893), თბილისის სასულიერო სემინარიაში (1893-1900),  დერპტის ვეტერინალურ ინსტიტუტში (1900-1907).

1893 წელს, თბილისის სასულიერო სემინარიის მოწაფეთა ამბოხებაში მონაწილეობისათვის ერთი წლით გარიცხეს, ხოლო დერპტის ინსტიტუტიდან 1903 წელს სტუდენტთა მოძრაობაში მონაწილეობისათვის ორჯერ. ამიერკავკასიაში მუშაობდა ვეტექიმად. დაწერილი აქვს პიესები: "სამშობლოს ასული" (1917 წელს რეჟისორ გიორგი ჯაბადარს გადაეცა დასადგმელად, გაიარა ცენზურა), "მსხვერპლი მოვალეობისა", "კაცის მდგომარეობა". კონსტანტინე თაყაიშვილის მოთხრობები: "პეტრეს დარდი", "გაბოს სიხარულის ცრემლი" გამოქვეყნდა 1923 წელს გაზეთში "მიწის მუშა". მეცხოველეობა-მეფრინველეობის შესახებ 1923-1924 წლებში აქვეყნებდა პუბლიცისტურ წერილებს.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.286