ნოდარ მსხალაძე

დაბადების ადგილი: სოფელი ქედქედი, ხელვაჩაურის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1979 წელს.

1979 წელს მუშაობა დაიწყო საქართველოს მშენებლობის სამინისტროს №5 სამშენებლო ტრესტის №1 სამშენებლო სამმართველოში მშენებელ ოსტატად; 1982-1991წწ. სამუშაოთა მწარმოებლად, უფროს სამუშაოთა მწარმოებლად; 1991-2000წწ. იყო ამავე სამმართველოს მთავარი ინჟინერი; 2000 წლიდან მუშაობს შპს "კონსტრუქტორი-21"-ის მთავარ მშენებლად; 2004-2006წწ. პარალელურად, შეთავსებით, მუშაობდა შპს "მშენსერვისი-21"-ის ექსპერტად; 2010 წლიდან შპს "ორბი ჯგუფი"-ს ტექნიკური განყოფილების ინჟინრად; მისი უშუალო მონაწილეობით აჭარის ავტონომიური რესპუბლიკის ტერიტორიაზე განხორციელდა არაერთი მნიშვნელოვანი ობიექტის მშენებლობა, მათ შორის: ახალი გემთმშენებელი ქარხნის, ადლიისა და სარფის საბაჟო გამშვები პუნქტების რეკონსტრუქცია, საფეხბურთო კლუბ "ბათუმის დინამოს" სტადიონის რეკონსტრუქცია, მრავალბინიანი საცხოვრებელი სახლების და სხვა; აქტიურად მონაწილეობა აქვს მიღებული მიწისძვრის შედეგად დაზიანებული საცხოვრებელი სახლებისა და სხვა შენობა-ნაგებობების აღდგენითი სამუშაოების შესრულებაში, ამბროლაურის რაიონში; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 205