ნუგზარ მურღულია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკური მშენებლობის სპეციალობით და მიენიჭა ინჟინერ-ჰიდროტექნიკოსის კვალიფიკაცია 1971 წელს.

1972-1974წწ. იყო ინსტიტუტის მასალათა გამძლეობისა და დრეკადობის თეორიის კათედრის ასპირანტი; 1975-1991წწ. მუშაობდა ამავე კათედრის უფროს ლაბორანტად, ასისტენტად და უფროს მასწავლებლად; 1989 წელს დაიცვა საკანდიდატო დისერტაცია და მიენიჭა ტექნიკურ მეცნიერებათა კანდიდატის სამეცნიერო ხარისხი; 1991-2006წწ. იყო საქართველოს ტექნიკური უნივერსიტეტის მასალათა გამძლეობისა და დრეკადობის კათედრის დოცენტ-პედაგოგი ბაკალავრიატის პროგრამით; 2007 წლიდან არის საქართველოს ტექნიკური უნივერსიტეტის სამშენებლო ფაკულტეტის დეკანის მოადგილე; ასევე იყო ამავე ფაკულტეტის ჯერ ასოცირებული პროფესორი, შემდეგ კი საინჟინრო მექანიკისა და მშენებლობის ტექნიკური ექსპერტიზის დეპარტამენტის პროფესორი; ავტორია 5 დამხმარე სახელმძღვანელოს, 1 მონოგრაფიის და 54 სამეცნიერო სტატიის; მონაწილეობდა სხვადასხვა სამეცნიერო კონფერენციებსა და სიმპოზიუმებში. ინჟინერ-ჰიდროტექნიკოსი.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 206-207; საინფორმაციო პორტალი: interpressnews.ge

• მასალათა გამძლეობის რჩეულ ამოცანათა ამოხსნილი ნიმუშები : მეთოდ. მითითებები სასწავლო პრაქტიკაში გამოსაყენებლად (თანაავტორი). - თბილისი, ტექნ.უნ-ტი, 2015. - 34გვ.. - ISBN: 9789941205767
• საინჟინრო მექანიკის ცნობარი (თანაავტორი). - თბილისი, ტექნ. უნ-ტი, 2013. - 143გვ.. - ISBN: 9789941149382
• საკურსო სამუშაოები მასალათა გამძლეობაში (თანაავტორი). - თბილისი, ტექნ. უნ-ტი, 2009. - 97გვ.. - ISBN: 9789941147289
• სტატიკურად ურკვევი ამოცანების ამოხსნა გაჭიმვა-კუმშვის დროს : დამხმ. სახელმძღვ. (თანაავტორი). - თბილისი, 1986. - 42გვ.