ნუგზარ ნუკრაძე

დაბადების ადგილი: ქ. საგარეჯო.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1972 წელს.

1973-1977წწ. მუშაობდა საქართველოს სასოფლო მშენებლობის სამინისტროს სისტემაში გიორგიწმინდის მეღორეობის კომპლექსის მშენებლობაზე მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად; 1978 წელს არჩეულ იქნა საქართველოს სასოფლო მშენებლობის სამინისტროს, სამშენებლო გაერთიანება "საქკოლმმშენი"-ს საგარეჯოს საკოლმეურნებათაშორისო სამშენებლო საბჭოს თავმჯდომარედ; 1985 წლიდან მუშაობდა საქართველოს სოფლის მეურნეობის სამინისტროს №1 სამშენებლო-სარემონტო ტრესტის საგარეჯოს სამშენებლო სამმართველოს უფროსად; აქტიური მონაწილეობა აქვს მიღებული 1991 წლის მიწისძვრის შედეგად, რაჭის რეგიონში დაზიანებული საცხოვრებელი სახლებისა და სხვადასხვა შენობა-ნაგებობების აღდგენითი სამუშაოების შესრულებაში; ასევე ეკომიგრანტებისათვის საცხოვრებელი დასახლებების მშენებლობაში დმანისისა და საგარეჯოს რაიონებში; მისი უშუალო მონაწილეობითა და ხელმძღვანელობით აშენებულია არაერთი სასოფლო-სამეურნეო, კულტურულ-საგანმანათლებლო და კომუნალური დანიშნულების ობიექტი; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 213