პავლე ჟღენტი

დაბადების ადგილი: ქ. თბილისი.

დაამთავა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1959 წელს.

1960-1963წწ. მუშაობდა საქართველოს მელიორაციისა და წყალთა მეურნეობის სამინისროს სამშენებლო ტრესტ "წყალმშენი"-ს სისტემაში სამუშაოთა მწარმოებლად და შემდგომ უფროს სამუშაოთა მწარმოებლად; 1963-1990წწ. ამავე ტრესტის დაქვემდებარებაში არსებული სამშენებლო სამმართველოს ჯერ მთავარ ინჟინრად, შემდეგ სამმართველოს უფროსად; 1990-2006წწ. საქართველოს მელიორაციისა და წყალთამეურნეობის დეპარტამენტის დირექტორის მოადგილედ; მისი უშუალო მონაწილეობითა და ხელმძღვანელობით აშენდა და ექსპლუატაციაში ჩაბარდა ზემო და ქვემო სამგორის სარწყავი სისტემები, კოოპერირებული წყასადენი სატუმბი სადგურებით, რეზერვუარებითა და შენობა-ნაგებობებით, ზემო და ქვემო ალაზნის სარწყავი სისტემების სათავე ნაგებობები და საცხოვრებელი სახლები, გაჩიანის მაღალი წნევის სატუმბო სადგური და საცხოვრებელი სახლი თანამშრომლებისათვის; განთიადისა და მუხრანის სარწყავი სადგურები შენობა-ნაგებობათა და სატუმბი სადგურით; მრავალწლიანი შრომითი საქმიანობისა და დამსახურებისათვის მიღებული აქვს სხვადასხვა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 223; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.287

• 1999 - ღირსების მედალი
  მელიორაციისა და წყალთა მეურნეობის დარგის ჩამოყალიბებასა და განვითარებაში შეტანილი პირადი წვლილისა და ნაყოფიერი საქმიანობისათვის