ზერო აბაშმაძე

დაბადების ადგილი: ქ. ოზურგეთი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი.

1956-1962წწ. მუშაობდა  საქენერგოში" ცენტრალური სადისპეჩეროს დისპეჩერად, 1962-968წწ. საწარმოო-ტექნიკური განყოფილების უფროსად, მთავარი ინჟინრის მოადგილედ; 1982-1999წწ. "საქენერგოს" უფროსის მოადგილედ, პირველ მოადგილედ, მცირე ენეგეტიკის პერსპექტიული განვითარების განყოფილების უფროსად; აქტიური მონაწილეობა მიიღო არაელექტროფიცირებული სოფლების, მეცხოველეობისა და მეფრინველეობის კომპლექსების, ასევე ჩაის პლანტაციების და მაღალმთიანი სოფლების ელექტრიფიკაციის საქმეში, ხევსურეთში მიკროელექტროსადგურების მშენებლობის ორგანიზაციაში. ასევე აქტიური მონაწილეობა აქვს მიღებული აჭარასა და სვანეთში სტიქიის გამო გადასახლებულეთა ბინების ელექტროფიკაციის საქმეში, კავკასიონის ქედზე 500 კვ. ძაბვის ელექტროგადამცემი ხაზის ახალ ტრასაზე გადატანის სამუშაოების ორგანიზაციაში, რაჭა-იმერეთის ზონაში მიწისძვრით დაზარალებული ელექტროქსელების აღდგენის სამუშაოებში. კოდორის ხეობის სოფლის ელექტროფიკაციის მიზნით ორგანიზება გაუკეთა 10 მიკროელექტროსადგურის პროექტირებას, დამზადებასა და ადგილზე ტრანსპორტირებას.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2010.- გვ. 8-9

• შრომის ვეტერანის მედალი
• ხალხთა მეგობრობის ორდენი
• საქართველოს დამსახურებული ენერგეტიკოსი
• საქართველოს დამსახურებული ინჟინერი