ნიკოლოზ ანდრეევი

საქართველოს ჰიდროენერგეტიკის განვითარების ერთ-ერთი პიონერთაგანი; 1908 წელს შეადგინა ჰესის სქემა მდ. არაგვზე ქ. თბილისის ელექტრომომარაგებისა და სასმელი წყლით უზრუნველყოფისათვის; 1909 წელს დაამუშავა მდ. რიონზე ჰესის სქემა ქ. ქუთაისის ელექტრომომარაგებისა და სასმელი წყლით უზრუნველყოფისათვის; 1911 წელს დაამუშავა მდ. მტკვარზე რკინიგზის სადგურ კავთისხევთან 3 ათას კილოვატ სიმძლავრის ჰესის პროექტი; 1913 წელს წარმოადგინა მდ. ხრამზე სოფ. არახლოსთან ჰესის აგების დეტალური პროექტი; 1921-1922წწ. დამუშავდა მდ. ხრამის ზედა დინებაში 10 ათასი ცხენის ძალის სიმძლავრის ჰესის აგების სქემა და ტექნიკურ-ეკონომიკური დასაბუთება; 1922 წელს შედიოდა ზაჰესის საექსპლუატაციო კომისიის შემადგენლობაში; მონაწილეობა აქვს მიღებული ტყიბულის რაიონისა და რიწეულას ჰესების სქემების დამუშავებაში; შეასრულა მდინარე რიონზე სოფ. ჟონეთთნ ჰესის მშენებლობის სქემა; 1932 წელს დაამუშავა მდ. მტკვარზე ჰესის პროექტი 26 ათასი კვტ. და გადამუშავებით 100 მლნ. კვტ. სთ.; 1934 წელს გამოაქვეყნა მდ. მტკვარზე ჰესების მშენებლობის შესახებ; 1926 წელს მუშაობდა სოხუმჰესის დაპროექტებაზე. მისი სქემა ითვალისწინებდა 14 ათასი ცხენის ძალის სიმძლავრის ჰესის აგებას, შემდგომ წლებში სოხუმჰესი აგებული იქნა მის მიერ შემოთავაზებული სქემის შესაბამისად.

წყარო:  საქართველოს ენერგეტიკოსები=Georgian Power Engineers: ენციკლოპედია.- თბილისი,. 2010.- გვ.14-15