გრიგოლ კიკიანი

გრიგოლ სოლომონის ძე კიკიანი იყო საქართველოს დემოკრატიული რესპუბლიკის სამხედრო სკოლის იუნკერთა სასწავლო ასეულის საინჟინრო ოცეულის უფროსი კურსის იუნკერი. დაიჭრა ბოლშევიკებთან შეტაკებაში, 1920 წლის 2 მაისს, ბოლშევიკთა ჯგუფის მიერ სამხედრო სკოლაზე თავდასხმის დროს. მონაწილეობდა რუსეთ-საქართველოს მეორე ომში. სამხედრო სკოლის შემადგენლობაში იბრძოდა კოჯორი-ტაბახმელას ფრონტზე. 1921 წლის მარტიდან, საქართველოს დემოკრატიული რესპუბლიკის ბოლშევიკური ოკუპაციის შემდეგ, დატოვა საქართველო და სხვა იუნკრებთან ერთად გაემგზავრა ჯერ კონსტანტინოპოლში, ხოლო შემდეგ გადავიდა პოლონეთში, სადაც გააგრძელა სამხედრო სამსახური. პოლიტიკური ემიგრანტი, პოლონეთის არმიის საკონტრაქტო სამსახურის ოფიცერი, როტმისტრი.

წყარო: სამხედრო კადრების სამჭედლო : თბილისის სამხედრო სასწავლებლის ისტორია 1862 წლიდან დღემდე / მამუკა გოგიტიძე, ზაზა ჯაფარიძე.-თბ, 2018.- გვ.85 (dspace.nplg.gov.ge)