ომარ ტონია

დაბადების ადგილი: ქ. სამტრედია.

დაამთავრა ქ. ვორონეჟის საინჟინრო-სამშენებლო ინსტიტუტის სამრეწველო და სამოქალაქო მშენებლობის ფაკულტეტი და მიენიჭა ინჟინერ-მშენებლის კვალიფიკაცია 1972 წელს.

1965-1974წწ. მუშაობდა ქ. ვორონეჟის სამშენებლო ტრესტ "სპეცმშენი"-ს №7 სამშენებლო სამმართველოში ბრიგადირად, ოსტატ მშენებლად, სამუშაოთა მწარმოებლად, უფროს სამუშაოთა მწარმოებლად (უბნის უფროსად); 1974-1984წწ. მუშაობდა საქართველოს მშენებლობის სამინისტროს სამშენებლო-სამონტაჟო ტრესტ "სპეცმშენის", ჯერ საწარმოო-ტექნიკური განყოფილების უფროსად, შემდეგ წლებში № 28б 22 და №132 მოძრავ-მექანიზებული კოლონის უფროსად (ქ. ფოთი, ქ. ბათუმი, ქ. ქუთაისი); 1984-2008წწ. იყო შპს "თბილისის წყლის" მშენებლობის დირექტორი; 2009 წლიდან არის შპს "ენსისი"-ს მშენებლობის დირექტორი; უშუალო მონაწილეობა აქვს მიღებული მრავალი მნიშვნელოვანი სპეციალური და ინფრასტრუქტურული დანიშნულების ობიექტების მშენებლობაში, მათ შორის: ქ. ნოვოვორონეჟის ჰიდროელექტროსადგურის, ადმინისტრაციული შენობების, წყალსადენისა და საკანალიზაციო მაგისტრალური ქსელებისა და სატუმბო სადგურების მშენებლობაში ვორონეჟის ოლქის ტერიტორიაზე (რუსეთის ფედერაცია); ხელმძღვანელობდა ჟინვალის, ბულაჩაურის, მუხრანის ველის, ნატახტრისა და საგურამოს წყალსადენების შენობა-ნაგებობების რეკონსტრუქციას, ქ. თბილისის წყალსადენის დიდი დიამეტრის მაგისტრალური ქსელების, სატუმბო სადგურებისა და რეზერვუარების, შენობა-ნაგებობების სარეკონსტრუქციო სამუშაოების შესრულებას; აგრეთვე, ქ. რუსთავის, ქ. ფოთის, ქ. ბათუმისა და ქ. ქუთაისის საკანალიზაციო ქსელების გამწმენდი ნაგებობების მშენებლობას; ხელმძღვანელობს სხვადასხვა მაგისტრალური და საქალაქო ინფრასტრუქტურული დანიშნულების ობიექტების მშენებლობას; მრავალწლიანი პროფესიული შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 242-243