ომარ ასათიანი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი სამთო ინჟინრის კვალიფიკაციით 1964 წელს, ასპირანტურა 1971 წელს (ქ. მოსკოვი, რუსეთი).

1964-1968წწ. მუშაობდა საქართველოს გეოლოგიურ სამმართველოში ფოლადაურის საძიებო პარტიაში ბურღვის უფროს ოსტატად, ბურღვის ინჟინრად; 1968-1971წწ. სწავლობდა ასპირანტურაში ქ. მოსკოვში; 1971-1977წწ. ქ. ბორჯომში ჰიდროგეოლოგიური პარტიის მთავარ ინჟინრად; მოგვიანებით იყო კასპის რ-ნის ბურღვის პარტიის უფროსად; 1977-1978წწ. მივლინებულ იქნა სუდანში კონტრაქტის მთავარ ინჟინრად, სადაც სუდანის სახელმწიფოსგან მიიღო ჯილდო; 1978-2005წწ. საქნავთობში ღრმა ბურღვის პარტიის უფროსი, საქნავთობის ეკონომიკური და სამეურნეო მთავარი სამმართველოს უფროსი; საქართველოს ტექნიკურ უნივერსიტეტში უძღვებოდა ბურღვა, ძებნა, ძიების კათედრის სალექციო კურსებს-პროფესორის სტატუსით; 2007 წელს "სტრეიტ ოილ ენდ გეს (საქართველო)"-ში ლოჯისტიკის მენეჯერად; დაჯილდოებულია სუდანის სახელმწიფო ელჩის საპატიო სიგელითა და მედლებით (1978), საპატიო სიგელით ნავთობის ეროვნული კომპანიის დარგის განვითარებაში შეტანილი წვლილისთვის (1999), ჯილდო - დარგის განვითარებაში შეტანილი წვლილისთვის (2004), მადლობის ჯილდო მეცნიერებაში შეტანილი წვლილისთვის (2013); იყო პირველი ქართველი მეცნიერი ვინც დანერგა "სვეტური ბურღვის მეთოდი"  სსრკ -ში და მოსკოვში; კითხულობდა ლექციებს მოსკოვის სახელმწიფო უნივერსიტეტში, ქ. ბაქოში ნავთობის ძებნა-ძიების და ბურღვის მიმართულებით, ავტორია მრავალი წიგნის და სასწავლო-სამეცნიერო ბურღვის მეთოდების კრებულის რომლითაც სწავლობენ სტუ-ში დღესაც. ტექნიკურ მეცნიერებათა კანდიდატი (1971), დოქტორი, პროფესორი, აკადემიკოსი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 23

• 2002 - ღირსების ორდენი
  დარგის განვითარებაში შეტანილი წვლილისთვის
• 1985 - საქართველოს დამსახურებული მენავთობე
• 1985 - შრომის ვეტერანი
• 1983 - საქართველოს დამსახურებული ინჟინერი