ლევან ქარელი

დაბადების ადგილი: ქ. თბილისი.

შრომითი საქმიანობა დაიწყო ჯერ კიდევ 14 წლისამ; იყო დურგლის მოსწავლე, შემდეგ გაზეთის დამტარებელი; 1936 წელს შევიდა ამიერკავკასიის მიმოსვლის გზათა ინსტიტუტში (შემდეგ თბილისის რკინიგზის ტრანსპორტის ინჟინერთა ინსტიტუტი); იგი ბოლო კურსზე იყო და დიპლომზე მუშაობდა, როდესაც დაიწყო მეორე მსოფლიო ომი; შეწყვიტა დიპლომზე მუშაობა და ნებაყოფლობით წავიდა ფრონტზე; ომის დამთავრების შემდეგაც არ მიეცა საშუალება დიპლომზე მუშაობის გაგრძელების; ქვეყანა საწიროებდა საინჟინრო კადრებს დანგრეული სახალხო მეურნეობის აღსადგენად; იგი ხელმძღვანელობდა ომისგან დანგრეული ხიდების აღდგენას ქ. ოდესაში და დნეპრისპირეთის რკინიგზაზე, მდინარე სამხრეთ ბურგზე; ასევე მთავრობის დავალებით აწარმოებდა ხელოვნური ნაგებობებისა და მარცვლეულის საცავების მშენებლობას აკომლინსკის ოლქში; 1957 წელს მიეცა საშუალება დაეცვა დიპლომი და დაემთავრებინა ინსტიტუტი; დიპლომის წარმატებით დაცვის შემდეგ იგი ბრუნდება სამშენებლო-სამონტაჟო ტრესტ "ხიდმშენში" და სათავეში უდგება №444 "ხიდმშენ მატარებელს"; იწყებს ქ. ნიკოლაევში მდინარე სამხრეთ ბუგზე უნიკალური, გასახსნელი რკინაბტონის ხიდის მშენებლობას ანაკრეფი კონსტრუქციებით, რომელიც დაამთავრა 1962 წელს.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 249

• ლენინური პრემია