ელგუჯა შაფაქიძე

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის მექანიზაციის ფაკულტეტი 1965 წელს ინჟინერ-მექანიკოსის სპეციალობით.

1965-1966წწ. მსახურობდა სამხედრო ნაწილის რიგებში; 1967-1970წწ. სწავლობდა საქართველოს სასოფლო-სამეურნეო ინსტიტუტის მექანიზაციის ფაკულტეტის ასპირანტურაში ნიადაგდამამუშავებელი მანქანების კათედრაზე; 1972 წელს დაიცვა საკანდიდატო დისერტაცია და მიენიჭა ტექნიკის მეცნიერებათა კანდიდატის სამეცნიერო ხარისხი; 1973-1981წწ. მუშაობდა საქართველოს სასოფლო-სამეურნეო ინსტიტუტის მეაბრეშუმეობის სასწავლო-კვლევითი ფაკულტეტის მექანიზაციის განყოფილების გამგედ; 1981-1987წწ. საქართველოს სასოფლო-სამეურნეო ინსტიტუტის მექანიზაციის ფაკულტეტის დეკანის მოადგილეა, ხოლო 1987-2005 წლებში კი – ამავე ფაკულტეტის დეკანი; 1985 წელს მიენიჭა დოცენტის, ხოლო 1993 წელს - პროფესორის წოდება; 1994 წელს დაიცვა სადოქტორო დისერტაცია და მიენიჭა ტექნიკის მეცნიერებათა დოქტორის სამეცნიერო ხარისხი. უნივერსიტეტში მუშაობის პერიოდში აქტიურად ეწეოდა სასწავლო-პედაგოგიურ და სამეცნიერო-კვლევით საქმიანობას; ხელმძღვანელობდა სასწავლო პროგრამებს დისციპლინებში "სასოფლო-სამეურნეო მანქანები (I ნაწილი)", "საგზაო და სამშენებლო მანქანები", "მეაბრეშუმეობის მექანიზაცია", "ჰიდროამძრავი სოფლის მეურნეობაში", "თანამედროვე სამანქანო ტექნოლოგიები და ტექნიკური საშუალებები სოფლის მეურნეობაში"; კითხულობდა ლექციებს ბაკალავრიატის, მაგისტრატურის და დოქტორანტურის სტუდენტებისთვის, ხელმძღვანელობდა სტუდენტთა სასაწავლო და საწარმოო პრაქტიკებს; 1998–2005წწ. იყო საქართველოს სახელმწიფო აგრარული უნივერსიტეტის საინჟინრო სადისერტაციო საბჭოს თავმჯდომარე; 2005–2013წწ. საქართველოს აგრარული უნივერსიტეტის აგროსაინჟინრო ფაკულტეტის სრული პროფესორი; 2012 წლიდან გაერთიანებული ერების ორგანიზაციის მეაბრეშუმეობის ასოციაცია  BACSA-ს კოორდინატორი საქართველოში; 2013 წლიდან საქართველოს სოფლის მეურნეობის მეცნიერებათა აკადემიის აკადემიური დეპარტამენტის უფროსი, 2019 წლიდან კი აკადემიკოს-მდივანი. აქტიურად არის ჩართული სამეცნიერო-კვლევით საქმიანობაში. სამეცნიერო მიმართულება: სოფლის მეურნეობის მექანიზაცია, მეაბრეშუმეობის მექანიზაცია. მეცნიერული შრომების რაოდენობა: 283, მათ შორის 8 მონოგრაფია, 8 სახელმძღვანელო, 13 რეკომენდაცია. გამოგონებებისა და რაციონალიზატორული წინადადებების რაოდენობა: 10 გამოგონება, 8 პატენტი, 6 რაციონალიზატორული წინადადება; მისი ხელმძღვანელობით დაცულია 6 დისერტაცია ტექნიკის მეცნიერებათა კანდიდატის ხარისხის მოსაპოვებლად და 2 დისერტაცია ტექნიკის აკადემიური დოქტორის წოდების მოსაპოვებლად. სამ2016 წელს მის ნაშრომს "საქართველოს მეაბრეშუმეობა – პრობლემები, რეაბილიტაცია, აღორძინება" მიენიჭა სსმმ აკადემიის პრემია აგრარულ დარგში საუკეთესო ნაშრომისათვის. მინიჭებული აქვს ექპერტის  წოდება აგროსაინჟინრო დარგში. ოთხი მონოგრაფია "მეაბრეშუმეობის აღდგენა-განვითარების პერსპექტივები საქართველოში" თანაავტორი; სოფლის მეურნეობის სხვადასხვა დარგების წარმოების რეკომენდაციები 170 ცალი, ავტორი, რეცენზენტი, რედაქტორი.

• საქართველოს საინჟინრო აკადემია, ნამდვილი წევრი, აკადემიკოსი (2005-)
• საქართველოს სოფლის მეურნეობის მეცნიერებათა აკადემია, ნამდვილი წევრი, აკადემიკოსი (2015-)
• საქართველოს სოფლის მეურნეობის მეცნიერებათა აკადემია, წევრ-კორესპონდენტი (1995-2015)
• უმაღლესი სკოლის მეცნიერების საერთაშორისო აკადემია, აკადემიკოსი (1997-)

• 2006 - წლის ინჟინრის საპატიო წოდება
• 1999 - ღირსების ორდენი
• 1988 - შრომის ვეტერანი

• საქართველოს მეაბრეშუმეობა - პრობლემები და აღორძინების სტრატეგია : მონოგრაფია (თანაავტორი). - თბილისი, შპს "პოლიგრაფი", 2019. - 334გვ.. - ISBN: 9789941808548
• სასოფლო-სამეურნეო მანქანები : სახელმძღვანელო მოკლე კურსი აგრო-საინჟ. დარგის ბაკალავრების მოსამზადებლად (თანაავტორი) // ნაწ. 1. - თბილისი, 1998. - 237გვ.
• მეაბრეშუმეობის მექანიზაცია (ავტორი) // ნაწ. 2
• მეაბრეშუმეობის მექანიზაცია (ავტორი) // ნაწ. 1
• სასოფლო-სამეურნეო მანქანები (ავტორი) // ნაწ. 1