ნოდარ ღონღაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1982 წელს.

1982-1984წწ. მუშაობდა საქართველოს მშენებლობის სამინისტროს სამშენებლო-სამონტჟო გაერთიანება "თბილქალაქმშენის" №14 სამშენებლო ტრესტში მშენებელ ოსტატად; 1984-1994წწ. მუშაობდა საქართველოს მინისტრთა საბჭოსთან არსებული კაპიტალური მშენებლობის მთავარი სამმართველოს ინჟინრად, განყოფილების უფროსად, მშენებლობის ტექნიკური ზედამხედველობის ჯგუფის უფროსად; 1994-1996წწ. იყო საქართველოს მშენებელთა კავშირის მთავარი სპეციალისტი; 1996-2001წწ. მუშაობდა სამშენებლო-სამონტაჟო გაერთიანება "საქგვირაბმშენში" სამუშაოთა მწარმოებლად; 2002-2012წწ. მუშაობდა ფირმების: "დტს"-ის, "უნიმშენი"-სა და "მონო-ინტერნეიშენელის" სამუშაოთა მწარმოებლად, უბნის უფროსად; 2013 წელს მუშაობა დაიწყო სამშენებლო კომპანია "ანაგში" სამუშაოთა მწარმოებლად; 2015 წლიდან მუშაობს ამავე სამშენებლო კომპანიაში ზონალური სამსენებლო წარმოების ხელმძღვანელად (მშენებლობის უფროსად); მისი უშუალო მონაწილეობითა და ხელმძღვანელობით სამშენებლო კომპანია "ანაგი" მუშაობის პერიოდში აშენდა ისეთი მნიშვნელოვანი ობიექტები, როგორებიცაა: სავაჭრო ცენტრი თვალჭრელიძის ქუჩაზე, სავაჭრო ცენტრ "სითი მოლი"-ს კომპლექსი (გლდანში), საცეკვაო სტუდია ყიფშიძის ქუჩაზე ქ. თბილისში და სხვა; ხელმძღვანელობდა სასტუმრო "ლეფორტოვოს" რეკონსტრუქციას ქ. მოსკოვში, სამხედრო ქალაქის მშენებლობას ქ. ვიაზმაში, შ. რუსთაველის სახელობის სახელმწიფო აკადემიური დრამატული თეატრის შენობის აღდგენა-რეკონსტრუქციის სამუშაოებს, მონაწილეობდა "სამების" საკათედრო ტაძრის მშენებლობაში; აშენებული აქვს ათიათასობით კვ.მ ფართობის საცხოვრებელი სახლები ქ. თბილისში; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საქართველოს პატრიარქის ილია II-ის საპატიო სიგელი სამების საკათედრო ტაძრის მშენებლობაში აქტიური მონაწილეობისათვის.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 257-258