გერონტი შენგელია

დაბადების ადგილი: ქ. ოჩამჩირე.

დაამთავრა ქ. მოსკოვის სასოფლო-სამეურნეო საინჟინრო ინსტიტუტი 1964 წელს.

1964-1974წწ. მუშაობდა საქართველოს მინისტრთა საბჭოსთან არსებული სამშენებლო გაერთიანება "საქწყალმშენის" სამშენებლოტრესტ "კოლხიდმშენის" ქ. ოჩამჩირის მოძრავ-მექანიზებული კოლონის სამუშაოთა მწარმოებლად, მთავარ ინჟინრად და კოლონის უფროსად; 1975-1985წწ. მუშაობდა საქართველოს სასოფლო მშენებლობის სამინისტროს სისტემაში, სამშენებლო-სამონტაჟო ტრესტ "საქსათბურმშენის" ქ. ოჩამჩირის №56 მოძრავ-მექანიზებული კოლონის უფროსად; შემდეგ წლებში სხვადასხვა დროს მუშაობდა აფხაზეთის ავტონომიური რესპუბლიკის რიგ სამშენებლო ორგანიზაციებში ხელმძღვანელ თანამდებობებზე; 1992 წელს აფხაზეთის ავტონომიური რესპუბლიკის პარტიული და საბჭოთა ორგანოების რეკომენდაციით დაინიშნა საქართველოს მინისტრთა საბჭოსთან არსებული სამშენებლო გაერთიანება "საქწყალმშენის" სამშენებლო ტრესტ "აფხაზწყალმშენის" მმართველად; დიდი წვლილი აქვს შეტანილი წყალსამელიორაციო ობიექტების მშენებლობაში აფხაზეთის ავტონომიური რესპუბლიკის ტერიტორიაზე; ასევე მისი ხელმძღვანელობით აშენებულ იქნა კინდღის სასათბურე მეურნეობის კომპლექსი; პროფესიული საქმიანობის პარალელურად ეწეოდა საზოგადოებრივ მოღვაწეობას; ოყო შოთა რუსთაველის საზოგადოების ოჩამჩირის რაიონული ორგანიზაციის თავმჯდომარე; მრავალწლიანი შრომითი საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 272-273

• აფხაზეთის დამსახურებული ინჟინერი
  მრავალწლიანი შრომითი საქმიანობისა და დამსახურებისათვის