თეიმურაზ ჩაჩუა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი საღამოს დასწრებული განყოფილება და მიენიჭა ინჟინერ-მშენებლის კვალიფიკაცია 1968 წელს.

შრომითი საქმიანობა დაიწყო 1961 წელს საპროექტო ბიუროში მხაზველად; 1966 წლიდან მუშაობდა სამშენებლო-სამონტაჟო ტრესტ "საქჰიდროენერგომშენი"-ს სისტემაში მშენებელ ოსტატად; 1969-1972წწ. მუშაობდა ქ. თბილისის ზონალურ სამეცნიერო-კვლევით და ექსპერიმენტული პროექტირების ინსტიტუტში ინჟინერ-კონსტრუქტორად; 1973-1976წწ. სწავლობდა ქ. მოსკოვის სამშენებლო კონსტრუქციების ცენტრალური სამეცნიერო-კვლევითი ინსტიტუტის ასპირანტურაში, სადაც 1976 წელს დაიცვა საკანდიდატო დისერტაცია და მიენიჭა ტექნიკურ მეცნიერებათა კანდიდატის ხარისხი; 1976-1988წწ. საქართველოში დაბრუნების შემდეგ, კვლავ მუშაობდა ქ. თბილისის ზონალურ სამეცნიერო-კვლევით და ექსპერიმენტული პროექტირების ინსტიტუტში უფროს მეცნიერ-თანამშრომლად, განყოფილების მთავარ სპეციალისტად; 1989 წელს გადაიყვანეს საქართველოს მშენებლობის სამინისტროს გაერთიანება "საქმშენსისტემა"-ში პროექტის ანალიზისა და ექსპერტიზის განყოფილების უფროსად, სადაც მუშაობდა 1998 წლამდე; 1999-2015წწ. მუშაობდა კომპანია "ქართუ ჯგუფის" საპროექტო ორგანიზაციაში უფროს ინჟინერ კონსტრუქტორად, პროექტის მთავარ ინჟინრად; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 276