ნუგზარ ჩილინგარაშვილი

დაბადების ადგილი: სოფელი არალი, ადიგენის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამოქალაქო და სამრეწველო ნაგებობების მშენებელი ინჟინრის სპეციალობით 1979 წელს.

1979-1981წწ. იმყოფებოდა სავალდებულო სამხედრო სამსახურში შუა აზიაში, სადაც იქვე დაიწყო მუშაობა ინჟინრის თანამდებობაზე; 1981 წელს გადმოვიდა საქართველოში და მუშაობა დაიწყო საქართველოს მშენებლობის სამინისტროს სისტემაში ტრესტ "სპეცმშენში" ინჟინრად; 1982 წელს დაინიშნა საინჟინრო ჯგუფის უფროსად; 1985 წელს ტექნიკური განყოფილების უფროსად; 1987 წლიდან მუშაობდა საქართველოს მშენებლობის სამინისტროს საწარმოო-სამშენებლო გაერთიანება "საქმონოლითმშენში" საწარმოო განყოფილების უფროსად; შეთავსებით იყო გაერთიანების მთავარი ინჟინრის მოადგილე; 1995 წელს შეიქმნა სააქციო საზოგადოება "საქმონოლითმშენის" №1 სამშენებლო სამმართველო და იგი დაინინიშნა ამ სამმართველოს დირექტორად; 2007 წლიდან იყო სააქციო საზოგადოება "მონოლითმშენის" დირეტორი; საქართველოს პრეზიდენტის განკარგულებით გამოცხადებული ჰქონდა მადლობა; აქტიურად მონაწილეობდა საქართველოში მონოლითური მშენებლობის დანერგვის საქმეში; მისი ხელმძღვანელობით აშენდა მრავალი საცხოვრებელი და სოციალურ-საყოფაცხოვრებო და ნიშნულების ობიექტები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 278-279

• საქართველოს დამსახურებული ინჟინერი