ეკატერინე იოსელიანი-ჯაბაური

დაბადების ადგილი: სოფელი ტოლა, ამბროლაურის რაიონი.

სწავლობდა თბილისში ეკატერინე ასათიანის სამოქალაქო სკოლაში. პირველად სცენაზე გამოვიდა "ავჭალის აუდიტორიის" სახალხო თეატრის სცენაზე. 1893 წელს ვალერიან გუნიას სპექტაკლში "და-ძმა" შეასრულა მარინეს როლი, შემდეგ ითამაშა ალექსანდრე ყაზბეგის "არსენაში" (ნინო), გაბრიელ სუნდუკიანის "პეპოში" (კეკე) და სხვ. კითხულობდა დივერტისმენტებში რევოლუციური ხასიათის ლექსებს, მისი მეუღლე იყო სახალხო თეატრის ერთ-ერთი დამაარსებელი გ. ჯაბაური. სახალხო თეატრის პირველი სცენისმოყვარე ქალი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.457