გიგო იორდანიშვილი

დაბადების ადგილი: ქ. თბილის.

დაამთავრა სამკლასიანი სამოქალაქო სასწავლებელი.

1899 წლიდან გამოდიოდა სცენაზე, ასრულებდა სახასიათო როლებს, იყო სცენარიუსი (რეჟისორის თანაშემწე), რეჟისორი, წარმოდგენების დამდგმელ-ხელმძღვანელი, გამგე, მოცეკვავე. სრულიად უსასყიდლოდ სოფლებსა და დაბებში საქველმოქმედო მიზნით მართავდა წარმოდგენებს; შესრულებული აქვს შემდეგი როლები: კავკაველი პეტუა, აკოფა, გეო, კაკული, მარციალი და სხვ. მონაწილეობდა კინოშიც, გამოდიოდა ვერის, ორთაჭალის, ავლაბრის, ნაძალადევის, ხარფუხის საუბნო-სახალხო თეატრებში, დააფუძნა ვერის მუშათა კლუბი. 1923 წლის 6 მაისს, გიგო იორდანიშვილის სასცენო-სათეატრო სახალხო მოღვაწეობის 25 წლის იუბილე აღინიშნა შოთა რუსთაველის სახელმწიფო აკადემიურ თეატრში.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.436