ელდარ ცაგარეიშვილი

დაბადების ადგილი: სოფელი გოჩაჯიხაიში, ხონის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტის საღამოს სწავლების განყოფილება და მიენიჭა ინჟინერ-მშენებლის კვალიფიკაცია 1977 წელს.

1971 წელს დაიწყო შრომითი საქმიანობა და ინსტიტუტში სწავლის პერიოდში მუშაობდა სხვადასხვა სამშენებლო ორგანიზაციებში მუშად, ბრიგადირად; 1977-1979წწ. მუშაობდა საქართველოს მშენებლობის სამინისტროს №7 სამშენებლო-სამონტაჟო ტრესტ "საქშახტმშენი"-ს სამშენებლო სამმართველო "მარნეულმშენ"-ში მშენებელ ოსტატად; 1979-1981წწ. გაწვეული იყო საბჭოთა არმიის რიგებში, სადაც მსახურობდა ოფიცრის რანგში; 1981-1983წწ. მუშაობდა საქართველო მშენებლობის სამინისტროს საინფორმაციო-გამოთვლით ცენტრში ინჟინრად; 1983 წელს მუშაობა დაიწყო სპეციალიზებულ სამონტაჟო ტრესტ "სოიუზლიფტმონტაჟი"-ს ამიერკავკასიის სამონტაჟო სამმართველოს ტექნიკური განყოფილების უფროს ინჟინრად, შემდეგ სამუშაოდ გადაიყვანეს ამავე სამმართველოს ქ. თბილისის სამონტაჟო უბანზე სამუშაოთა მწარმოებლად; 1984-1994წწ. მუშაობდა ამავე ტრესტის ამიერკავკასიის სამონტაჟო სამმართველოს ჯერ საწარმოო-ტექნიკური განყოფილების უფროსად, შემდეგ მთავარი ინჟინრის მოადგილედ და სამმართველოს მთავარ ინჟირად; 1994 წელს დაინიშნა სამონტაჟო ტრესტ "სოიუზლიფტმონტაჟის" ამიერკავკასიის სამონტაჟო სამმართველოს უფროსად; 1995 წლიდან აღნიშნული ორგანიზაცია რეორგანიზებულ იქნა და დარეგისტრირდა როგორც შესღუდული პასუხისმგებლობის საზოგადოება "ლიფტმონტაჟი" და მისი დირექტორის; მისი უშუალო მონაწილეობითა და ხელმძღვანელობით სრულდებოდა სამგზავრო ლიფტების მონტაჟი მაღლივი საცხოვრებელი სახლებისა და საზოგადოებრივი დანიშნულების ობიექტებზე, ასევე სატვირთო ლიფტების მონტაჟი სამრეწველო კომპლექსების მშენებლობაზე საქართველოს, აზერბაიჯანისა და სომხეთის ტერიტორიაზე; რიგ გამონაკლის შემთხვევებში უკრაინის, ბელორუსიისა და რუსეთის ფედერაციის რეგიონებშიც; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 291-292