ახმედ-აღა კაიკაციშვილი

გაზეთ "დროების" თანამშრომელი, გულო კაიკაციშვილის თანამოაზრე, სამუსლიმანო საქართველოს საქრისტიანო საქართველოსთან შეერთების მქადაგებელი. გაზეთ "დროებაში" ათავსებდა წერილებს, რომელთაც "ივერია" გადაბეჭდავდა ხოლმე. სხვათა შორის, წერილში "ბატონო მეგაზეთე!" თბილისელი სომხების მიერ ქობულეთში ადგილ-მამულების შეძენას აპროტესტებდა ("ივერია", 1878, №31); წერილში "ძიავ, ყარდაში ეფედუმი მეგაზეთევ!" წერდა ქობულეთელების ოსმალეთში გადასახლების შესახებ ("ივერია", 1878, №32). ეროვნული მოღვაწე.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.482