ანდრო ცხადაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ელექტრული ქსელებისა და სისტემების სპეციალობით 1991 წელს.

1984 წელს დაიწყო შრომითი საქმიანობა სამონტაჟო ტრესტ "კავკასელექტროქსელმშენი"-ს №8 მოძრავ-მექანიზებული კოლონის მემონტაჟედ; 1986-1988წწ. გაწვეული იყო საბჭოთა არმიის რიგებში სავალდებულო სამხედრო სამსახურში;  ინსტიტუტის დამთავრების შემდეგ მუშაობდა სსრკ ენერგეტიკისა და ელექტროფიკაციის სამინისტროს სამონტაჟო ტრესტ "კავკასელექტროქსელმშენი"-ს №8 მოძრავ მექანიზებული კოლონის (ამჟამად შპს "კავკასიონი") ოსტატად, ტექნიკური განყოფილების უფროსის მოადგილედ, უფროს სამუშაოთა მწარმოებლად; 1996-1999წწ. მუშაობს შპს "იუგელექტროქსელმშენი"-ს (ქ. სოჭი) მთავარ ინჟინრად; 1999-2006წწ. შპს "ჩერნომორსკენერგომშენი"-ს მთავარ ინჟინრად; 2006-2010წწ. სს "საქრუსენერგო"-ს სისტემაში ტექნიკური სამსახურის უფროსად, მთავარი ინჟინრის მოადგილედ; 2011 წლიდან მუშაობს ს.ს. "საქრუსენერგო"-ს დასავლეთ საქართველოს ელექტრო გადამცემი ხაზების ექსპლუატაციისა და მშენებლობის მენეჯერად; მისი მონაწილეობითა და ხელმძღვანელობით აშენებულია არაერთი მნიშვნელოვანი მაღალი ძაბვის ელექტროგადამცემი ხაზი, როგორც საქართველოს ისე რუსეთის ფედერაციის ტერიტორიაზე; არის შპს "კავკასიონის" ერთ-ერთი დამფუძნებელი; მრავალწლიანი ნაყოფიერი და თავდადებული შრომითი საქმიანობისა და დამსახურებისათვის დაჯილდოებულია "საპატიო სიგელით" რუსეთის ფედერაციაში ენერგომშენებლობაში შეტანილი წვლილისთვის.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 297-298

• ღირსების ორდენი