თენგიზ ყურაშვილი

დაბადების ადგილი: ქ. ჩხოროწყუ.

დაამთავრა საქართველოს სახელმწიფო ზოოტექნიკურ-სავეტერინარო სასწავლო-სამეცნიერო ინსტიტუტის სავეტერინარო ფაკულტეტი სპეციალობით ვეტერინარი ექიმი 1971 წელს.

1972-1973წწ. მსახურობდა საბჭოთა არმიის რიგებში, არის სამედიცინო სამსახურის სერჟანტი; 1974-1977წწ. სწავლობდა საკავშირო ექსპერიმენტალური ვეტერინარიის ინსტიტუტის ასპირანტურაში; 1978 წელს მოსკოვში დაიცვა საკანდიდატო დისერტაცია და მიენიჭა ვეტერინარიის მეცნიერებათა კანდიდატის სამეცნიერო ხარისხი, 1984 წელს კი - უფროსი მეცნიერ-მუშაკის წოდება; 1983-1991წწ. სწავლობდა მოსკოვის ვეტერინარიული აკადემიის დოქტორანტურაში; 1992 წელს მოსკოვში დაიცვა სადოქტორო დისერტაცია და მიენიჭა ვეტერინარიის მეცნიერებათა დოქტორის სამეცნიერო ხარისხი,  2001 წელს - პროფესორის წოდება; 2005 წელს გადაეცა სომხეთის საპატიო დოქტორის დიპლომი; 2000 წელს გაიარა საერთაშორისო კონკურსები ისრაელში; 1971-1972წწ. მუშაობდა  ლაბორანტად საქართველოს სახელმწიფო ზოოტექნიკურ-სავეტერინარო სასწავლო-სამეცნიერო ინსტიტუტში (ზოოვეტერინარიული ინსტიტუტი); 1977-1982წწ. - უმცროსი,  შემდგომ უფროსი მეცნიერ-მუშაკი ზოოვეტერინარიულ ინსტიტუტში; 1982-1983წწ. - საკავშირო ვეტერინარიული სანიტარიის ინსტიტუტის ამიერკავკასიის განყოფილების გამგე; 1992-1996წწ. - პრორექტორის მოადგილე (სამეცნიერო ნაწილში) ზოოვეტერინარიულ ინსტიტუტში; 2005 წელს იმავე ინსტიტუტის რექტორი; 2006 წელს - სავეტერინარო მედიცინის ფაკულტეტის დეკანი; 2006 წლიდან - აგრარულ უნივერსიტეტის პროვესორი; 2006-2013წწ. - წარმომადგენლობითი საბჭოს თავმჯდომარე (სპიკერი) აგრარულ უნივერსიტეტში და სავეტერინარო-მედიცინის ინსტიტუტის დიაგნოსტიკური ლაბორატორიის ხელმძღვანელი. სასოფლო-სამეურნეო უნივერსიტეტის წარმომადგენლობითი საბჭოს თავმჯდომარე (სპიკერი, 2006); ქართული ენციკლოპედიის სარედაქციო საბჭოს წევრი, (2005); სადისერტაციო საბჭოს თავმჯდომარის მოადგილე (2009-1998); სადისერტაციო საბჭოს თავმჯდომარე (2009); მეთოდური საბჭოს თავმჯდომარე (2005-1992); ზოოვეტერინარული უნივერსიტეტის სამეცნიერო საბჭოს წევრი (2005-1983). მონაწილეობა აქვს მიღებული საერთაშორისო სამეცნიერო ფორუმებსა და საგრანტო  პროგრამებში. გამოქვეყნებული აქვს 305 შრომა. ავტორი და თანაავტორია 15 გამოგონების. მისი ხელმძღვანელობით დაცულია 3 სადოქტორო და 17 საკანდიდატო დისერტაცია და მრავალი სადიპლომო შრომა. ექიმი-ვეტერინარი, ვეტერინარიის მეცნიერებათა დოქტორი (1992), პროფესორი (2001), აკადემიკოსი.

• საქართველოს ვეტერინარიისა და მეცხოველეობის დარგის მუშაკთა კავშირი, პრეზიდენტი (2004-)
• საქართველოს მემამულეთა კავშირი, თავმჯდომარის მოადგილე ვეტერინარიის და მეცხოველეობის დარგში (1992-)
• საქართველოს სოფლის მეურნეობის მეცნიერებათა აკადემია, აკადემიკოსი (2013-)
• საქართველოს სოფლის მეურნეობის მეცნიერებათა აკადემია, წევრ-კორესპონდენტი (1994-)

• 2017 - სოფლის მეურნეობის მეცნიერებათა აკადემიის საპატიო სიგელი
  ვეტერინარიის დარგის განვითარებაში შეტანილი სამეცნიერო მიღწევებისათვის
• 2016 - ექსპერტის წოდება ვეტერინარიის დარგში
• 2005 - სომხეთის აგრარული უნივერსიტეტის საპატიო დოქტორი
• 2000 - ღირსების ორდენი
  აგრარული მეცნიერების განვითარებისათვის, ახალგაზრდა მაღალკვალიფიციური კადრების მომზადებაში შეტანილი პირადი დიდი წვლილის, ნაყოფიერი სამეცნიერო და საზოგადოებრივი მოღვაწეობისათვის
• 1982 - სსრკ სახალხო მეურნეობის მიღწევათა გამოფენა (ВДНХ) (ბრიაჯაოს მედალი)

• საძოვრის ვეტერინარიულ-სანიტარიული შეფასება : რეკომენდაცია (თანაავტორი). - თბილისი, აგრო, 2021. - 16გვ.. - ISBN: 9789941832611
• ცხოველთა ინფექციური დაავადებების პროფილაქტიკა (ვაქცინაცია) : რეკომენდაციები (თანაავტორი). - თბილისი, აგრო, 2019. - 28გვ.. - ISBN: 9789941811333
• ცხოველთა მაკეობისა და რეპროდუქციულ ორგანოებში მიმდინარე სხვა ფიზიოლოგიურ პროცესთა ცნობარი (თანაავტორი). - თბილისი, აგრო, 2019. - 16გვ. . - ISBN: 9789941811609
• რძისა და ხორცის წარმოების სახელმძღვანელო (კატალოგი) : ფერმერთათვის და მეცხოველე სპეციალისტებისათვის (თანაავტორი). - თბილისი, უნივერსალი, 2013. - 78გვ. . - ISBN: 9789941178610
• დერმატომიკოზების სამკურნალო ახალი პრეპარატები და მათი ეფექტურობა : მონოგრაფია (რედაქტორი). - თბილისი, 2011. - 110გვ.
• გოჭების გამოსავლიანობის ამაღლების რეზერვები (თანაავტორი). - თბილისი, 1986. - 31გვ.
• გოჭების კოლიბაქტერიოზის საწინააღმდეგო ღონისძიებათა კომპლექსი (ავტორი). - თბილისი, 1981. - 6გვ.