ოთარ წიკლაური

დაბადების ადგილი: ქ. თელავი.

დაამთავრა საქართველოს პოლიტექნიკური ინსტიტუტის არქიტექტურული ფაკულტეტი, არქიტექტურის სპაციალობით 1976 წელს.

1976-1988წწ. მუშაობდა საქართველოს სახელმწიფო საპროექტო ინსტიტუტ "საქკვებმრეწვსახპროექტ"-ში არქიტექტორად, პროექტის მთავარ არქიტექტორად; 1989-1990წწ. იყო კოოპერატივ "მცხეთა"-ს პროექტის მთავარი არქიტექტორი; 1990-1995წწ. კოოპერატივ "ივერია 90"-ის მთავარ არქიტექტორი; 1996-2000წწ. შპს "აგროინდუსტრიის" პროექტის მთავარი არქიტექტორი; 2000-2004წწ. შპს "არქიტრიო"-ს პროექტის მთავარი არქიტექტორი; 2004 წლიდან არის შპს "არქტური"-ს დამფუძნებელი და დირექტორი; მისი უშუალო მონაწილეობითა და ხელმძღვანელობით დაპროექტებულ იქნა და აშენებულია არაერთი საცხოვრებელი სახლი, სამრეწველო და საზოგადოებრივი დანიშნულების მნიშვნელოვანი ობიექტი; მათ შორის: სასმელ "პეპსი კოლას" ჩამოსასხმელი ქარხანა სოფ. ბაბუშერაში გულრიფშის რაიონი, ძმრის ჩამოსასხმელი ქარხანა ქ. თბილისში, მინერალური წყლების ჩამოსასხმელი ქარხნები "ვაჟას წყარო" სოფელ ჩარგალში; "მიტარბი" სოფ. ჟინვალში და "ბაგიათი" ქ. ცხინვალში; პურის ქარხანა და ხორბლის გადამამუშავებელი და მაკარონის მწარმოებელი ქარხანა ქ. თბილისში, სპირტის ქარხანა ქ. ფოთში; მრავალფუნქციური საცხოვრებელი კომპლექსები გორგასლისა და ს. ჩიქოვანის ქუჩებზე ქ. თბილისში, "აქვაპარკი" ბავშვთა ქალაქ "მზიურში" და სასტუმრო 140 ადგილზე ქ. თბილისში, ასევე მრავალფუნქციური კომპლექსი თელავის მუნიციპალიტეტის სოფ. შალაურში; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 304-305