ბორის წულუკიძე

დაბადების ადგილი: ქ. გორლოვკა, დონეცკის ოლქი (უკრაინა).

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ხიდებისა და სატრანსპორტო გვირაბების მშენებლობის სპეციალობით 1981 წელს.

1981-2000წწ. მუშაობდა სსრკ სატრანსპორტო მშენებლობის სამინისტროს სახელმწიფო საკვლევ-საძიებო და საპროექტო ინსტიტუტ "სოიუზგიპროტრანსი"-ს კავკასიის ფილიალის "კავსახტრანსპროექტი"-ს მეტროპოლიტენებისა და გვირაბების განყოფილებაში ინჟინრად, უფროს ინჟინრად, წამყვან ინჟინრად, ჯგუფის ხელმძღვანელად და კომპიუტერული დაპროექტების ცენტრის ხელმძღვანელად; 1981-1983წწ. იყო საქართველოს პოლიტექნიკური ინსტიტუტის ასპირანტი; მუშაობდა ამავე ინსტიტუტის გვირაბებისა და მეტროპოლიტენების კათედრის ასისტენტად, მოწვეულ უფროს მასწავლებლად; 2001-2003წწ. იყო შპს "ჯეოინჟინერინგი"-ს ავტომატიზირებული დაპროექტების სექტორის ხელმძღვანელი; 2003-2007წწ. მუშაობდა შპს "აიდისი"-ს ტექნიკურ დირექტორად, ავტომატიზირებული დაპროექტების ჯგუფის ხელმძღვანელად; 2008 წელს დაიცვა სადოქტორო დისერტაცია და მიენიჭა ტექნიკურ მეცნიერებათა დოქტორის ხარისხი; 2008 წლიდან არის საქართველოს ტექნიკური უნივერსიტეტის საგზაო დეპარტამენტის ხიდებისა და გვირაბების მიმართულების პროფესორი; მისი უშუალო მონაწილეობითა და ხელმძღვანელობით დამუშავებულ იქნა მრავალი სატრანსპორტო და ინფრასტრუქტურული დანიშნულების მნიშვნელოვანი ობიექტების მშენებლობის პროექტები; ავტორია 17 სამეცნიერო პუბლიკაციისა და 2 მეთოდური ნაშრომის; მრავალწლიანი საინჟინრო-პედაგოგიური მოღვაწეობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 306-307