ბიქტორ კალანდარიშვილი

1902 წლიდან ჩაება სენაკის მაზრის სოციალ-დემოკრატიული პარტიის არალეგალურ მუშაობაში. პირველი სოციალ-დემოკრატიული არალეგალური ორგანიზაცია შედგა სოფელ შხეთში, შემდეგ სოფელ თეკლათში. ამ ორგანიზაციებს, ბიქტორ კალანდარიშვილის საშუალებით კავშირი ჰქონდა ქუთაისში იმერეთ-სამეგრელოს კომიტეტთან (დ. ქავთარაძისა და საშა წულუკიძის შემდეგ, ბ. ბიბინეიშვილთან). ბიქტორ კალანდარიშვილს პროკლამაციები მიჰქონდა სამეგრელოში, სენაკის სოციალ-დემოკრატიული ორგანიზაცია ქუთაისიდან მიღებულ პროკლამაციებს დ. ჭელიძის დახმარებით, სენაკის კ. თავართქილაძის ლეგალურ სტამბაში ბეჭდავდა და ავრცელებდა. 1904 წელს, ბიქტორ კალანდარიშვილის აქტიური მონაწილეობით სენაკის სოფლების (შხეთი, ეკი, ძველი სენაკი, ძონძირი, ისულა, წყემი) გლეხობამ გაფიცვა მოაწყო მემამულეთა წინააღმდეგ (ზოგიერთმა მემამულემ გლეხებს დაუთმო, გლეხობა მოითხოვდა მიწის დამუშავების 1/5-ს) გაიმართა დემონსტრაცია წითელი დროშით და მარსელიოზის სიმღერით. პროპაგანდისტ-ორგანიზატორი, სამეგრელოს რევოლუციური მოძრაობის მონაწილე.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.497; prosopography.iliauni.edu.ge

• ქართველთა შორის წერა-კითხვის გამავრცელებელი საზოგადოების სენაკის განყოფილება, წევრი (1909-)
• ქართველთა შორის წერა-კითხვის გამავრცელებელი საზოგადოება , ნამდვილი წევრი (1918-)