ნოდარ ხიმშიაშვილი

დაბადების ადგილი: სოფელი ნიგაზეული, შუახევის რაიონი, აჭარის ა/რ.

დაამთავრა ქ. ბათუმის ინდუსტრიული ტექნიკუმი სამრეწველო და სამოქალაქო მშენებლობის სპეციალობით 1982 წელს.

1982-1988წწ. მუშაობდა საქართველოს სასოფლო მშენებლობის №10 სამშენებლო ტრესტის შუახევის № 52 მოძრავ-მექანიზებული კოლონის სამუშაოთა მწარმოებლად, უფროს სამუშაოთა მწარმოებლად; 1999-2007წწ. იყო შპს "ჰოლდერი"-ს სამუშაოთა მწარმოებელი, უფროსი სამუშაოთა მწარმოებელი (უბნის უფროსი); 2008-2012წწ. მუშაობდა შპს "დუპლექსი"-ს სამშენებლო წარმოების ხელმძღვანელად (მშენებლობის უფროსად); 2012-2017წწ. იყო შპს "ორბი ჯგუფის", შპს "რეალპალასი"-ს, შპს "მეგა პალასი"-ს და "სბაირზ დეველოპმენტი"-ს უფროსი სამუშაოთა მწარმოებელი (მშენებლობის უფროსი), პროექტის მენეჯერი; 2017 წლიდან მუშაობს შპს "ბათმშენი"-სა და შპს "დარბილდინგის" სამშენებლო წარმოების ხელმძღვანელად (მშენებლობის უფროსად), პროექტის მენეჯერად; მისი უშუალო მონაწილეობითა და ხელმძღვანელობით აჭარის ა/რ ტერიტორიაზე აშენებულ იქნა მთელი რიგი სამრეწველო, კულტურულ საგანმანათლებლო და სასოფლო-სამეურნეო დანიშნულების ობიექტები და საცხოვრებელი კომპლექსები. მთ შორის: საშუალო სკოლის შენობა და სასოფლო კლუბი შუახევის რაიონში, 22 სართულიანი საცხოვრებელი კომპლექსი კობალაძის ქუჩაზე, 10 და 8-სართულიანი საცხოვრებელი სახლები რუსთაველის ქუჩაზე, მრავალსართულიანი საცხოვრებელი სახლები გორგილაძისა და ფიროსმანის ქუჩებზე ქ. ბათუმში და სხვა; მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 323

• 2015 - საქართველოს დამსახურებული ინჟინერი
  მრავალწლიანი ნაყოფიერი შრომითი საქმიანობის, მაღალი პროფესიონალიზმისა და საქართველოს მშენებლობის სფეროში შეტანილი განსაკუთრებული წვლილისთვის